پاکستان کرکٹ ٹیم کے سابق کپتان شاہد آفریدی پی ایس ایل میں کوئٹہ گلیڈی ایٹرز کے خلاف شاندار بیٹنگ کرنے والے اسلام آباد یونائیٹڈ کے بیٹر اعظم خان کے معترف ہوگئے۔
تفصیلات کے مطابق جمعہ کے روز اسلام آباد یونائیٹڈ نے پاکستان سپر لیگ کے 13 ویں میچ میں کوئٹہ گلیڈی ایٹرز کو یکطرفہ مقابلے کے بعد 63 رنز سے شکست دی۔کراچی کے نیشنل بینک ارینا میں کھیلے گئے میچ میں اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 220 رنز اسکور کیے۔
اسلام آباد کی جانب سے اعظم خان نے 42 گیندوں پر 8 چھکوں اور 9 چوکوں کی مدد سے برق رفتار 97 رنز کی اننگز کھیلی۔221 رنز کے ہدف کے تعاقب میں کوئٹہ گلیڈی ایٹرز کی ٹیم 157 رنز بناکر آؤٹ ہوگئی۔
Well played @MAzamKhan45 boom boom innings, fearless #HBLPSL8
— Shahid Afridi (@SAfridiOfficial) February 24, 2023
کوئٹہ کے خلاف شاندار اننگز کھیلنے پر شاہد آفریدی بھی اعظم خان کی تعریف کیے بغیر نہ رہ سکے۔
سوشل میڈیا پر بیان جاری کرتے ہوئے شاہد آفریدی نے لکھا کہ ’اعظم خان بہترین کھیلے، یہ بوم بوم اور بے خوف اننگز تھی‘۔