ویب ڈیسک : وزیر اعلیٰ پنجاب چوہدری پرویز الٰہی کا کہنا ہے کہ اسموگ پر قابو پانے کے لیے سرحدی اور صنعتی علاقوں میں ایئر پیوریفائڈ ٹاورز نصب کیے جائیں گے۔
تفصیلات کے مطابق وزیر اعلیٰ پنجاب چوہدری پرویز الٰہی نے سماجی رابطے کی ویب سائٹ ٹویٹر پر اپنے ٹویٹ میں کہا کہ اسموگ ایک عالمی مسئلہ بن چکا ہے، پورے پنجاب خصوصاً لاہور میں اسموگ پر قابو پانے کے لیے چینی ٹیکنالوجی سے استفادہ کرنا چاہتے ہیں۔
وزیر اعلیٰ کا کہنا تھا کہ لاہور اور دیگر شہروں میں ہوا صاف کرنے کے ٹاورز لگانے کے لیے چینی ٹیکنالوجی سود مند ثابت ہوگی۔انہوں نے کہا کہ ایئر پیوریفائڈ ٹاورز سرحدی اورصنعتی علاقوں کے قریب لگائے جائیں گے، ان ٹاورز کو پیشگی فلڈ وارننگ اور دیگر مقاصد کے لیے بھی استعمال میں لایا جائے گا۔
وزیر اعلیٰ کا مزید کہنا تھا کہ پنجاب حکومت نے اسموگ پر قابو پانے کے لیے ماحولیاتی ایمرجنسی نافذ کی ہے۔
سموگ ایک عالمی مسئلہ بن چکا ہے۔ پنجاب خصوصا لاہور میں سموگ پر قابو پانے کیلئے چینی ٹیکنالوجی سے استفادہ کرنا چاہتے ہیں لاہوراوردیگر شہروں میں ہوا صاف کرنے کے ٹاورزلگانے کیلئے چینی ٹیکنالوجی سود مند ثابت ہوگی۔
— Ch Parvez Elahi (@ChParvezElahi) November 15, 2022
سموگ ایک عالمی مسئلہ بن چکا ہے۔ پنجاب خصوصا لاہور میں سموگ پر قابو پانے کیلئے چینی ٹیکنالوجی سے استفادہ کرنا چاہتے ہیں لاہوراوردیگر شہروں میں ہوا صاف کرنے کے ٹاورزلگانے کیلئے چینی ٹیکنالوجی سود مند ثابت ہوگی۔
— Ch Parvez Elahi (@ChParvezElahi) November 15, 2022