ویب ڈیسک:غیر ملکی ایئر لائن کا کارنامہ منظر عام پر آگیا وزیراعظم شہباز شریف کے معاون خصوصی اور ترجمان پی پی فیصل کریم کنڈی کا سامان غائب ہوگیا۔
تفصیلات کے مطابق وزیراعظم کے معاون خصوصی اور حکومتی اتحادی جماعت پاکستان پیپلز پارٹی کے ترجمان فیصل کریم کنڈی جو غیر ملکی ایئرلائن کی پرواز کے ذریعے اسلام آباد سے دبئی روانہ ہوئے تھے۔ منزل پر پہنچنے کے بعد ان کی حیرت کی انتہا نہ رہی جب دبئی کے انٹرنیشنل ایئرپورٹ پر انہیں اپنا سامان نہیں ملا۔دبئی ایئرپورٹ پر اپنا بیگ نہ ملنے پر فیصل کریم کنڈی نے مذکورہ ایئرلائن پر غصے کا اظہار بھی کیا ہے۔
Outrageous response of Emirates airlines. After 24 hours i still have no update of my misplaced bags. My important documents ,no where to be found! Unprofessionalism at its best. @emirates pic.twitter.com/ZNYn7DdosB
— Faisal Karim Kundi (@fkkundi) November 14, 2022
غیر ملکی ایئرلائن کے غیر ذمے دارانہ رویے پر وزیراعظم کے معاون خصوصی فیصل کریم کنڈی نے سماجی رابطوں کی ویب سائٹ ٹوئٹر پر بھی ردعمل کا اظہار کیا ہے۔فیصل کریم کنڈی کا اپنے ٹوئٹ میں کہنا تھا کہ بیگ میں میرے اہم قیمتی دستاویزات ہیں۔ یہ ایئرلائن کا غیر پیشہ ورانہ اقدام ہے اور اب تک سامان کا نہ ملنا ایئر لائن کی سروس پر بھی سوالیہ نشان ہے۔