سٹی 42:سابق وزیر اعظم اور مسلم لیگ ن کے قائد نواز شریف کی تازہ ترین میڈیکل رپورٹس ٹویٹر پر شیئر، ذاتی معالج ڈاکٹر عدنان نے پاکستانی ہائی کمیشن سے تصدیق شدہ رپورٹس عوام کی آگاہی کیلئے شیئر کیں۔
سابق وزیر اعظم کے ذاتی معالج ڈاکٹر عدنان نے ٹویٹ کرتے ہوئے لکھا کہ 14 جنوری کی تصدیق شدہ رپورٹس حکومت پنجاب کو بھی ارسال کر دی گئی ہیں۔
Former PM #NawazSharif’s LATEST medical report dated 13/01/2020 notarized, attested & authenticated under seal by the Notary Public, Foreign & Commonwealth Office (FCO-UK) & High Commission for Pakistan, London, UK.
— Dr. Adnan Khan (@Dr_Khan) January 15, 2020
Similarly, Scans & Investigations are legally authenticated too. pic.twitter.com/sp4EmBeNKJ
دو روز قبل نواز شریف کی لندن کے ہوٹل میں لی گئی تصویر وائرل ہوئی تھی جس پر وزیراعظم عمران خان نے نوٹس لیتے ہوئے وزیر صحت پنجاب ڈاکٹریاسمین راشد کو ٹیلی فون کیا تھا اور ان سے پوچھا کہ باہر جا کر وہ کھانا کھا رہے ہیں یہ بیمار ہیں یا تندرست۔
وزیراعظم نے صوبائی وزیر صحت سے نوازشریف کی رپورٹس کے بارے میں بھی دریافت کیا تھا اور کہا کہ نوازشریف کی رپورٹس فوری منگوائیں اورحقائق عوام کے سامنے لائیں۔ذرائع کے مطابق محکمہ داخلہ پنجاب کو نواز شریف کی تازہ میڈیکل رپورٹس موصول ہوگئی ہیں جس کا جائزہ لینے کے لیے محکمہ صحت پنجاب کو بھجوانے کا فیصلہ کیا گیا ہے۔ذرائع کے مطابق میڈیکل بورڈ کی سفارشات پر نواز شریف کی ضمانت میں توسیع کا فیصلہ ہو گا۔