(سٹی 42)وزیر اعظم عمران خان کا کہنا ہے کہ بھارت کی ریاستی دہشت گردی کے ناقابل تردید شواہد مہیا کردیے، دنیا ان شواہد کی موجودگی میں اب مزید خاموش یا لاتعلق نہیں رہ سکتی۔
ٹوئٹر پر اپنے پیغام میں وزیر اعظم عمران خان نے کہا کہ ہم نے پاکستان میں بھارت کی ریاستی دہشت گردی کے ناقابل تردید شواہد مہیا کردیے ہیں۔ مالی اور مادی امداد کی تفصیلات کیساتھ دہشت گردی میں ریاستِ ہندوستان کے براہِ راست کردار کی تفصیلات دنیا کے سامنے رکھ دی گئی ہیں جو ان شواہد کی موجودگی میں اب مزید خاموش یا لاتعلق نہیں رہ سکتی۔
We have provided irrefutable evidence of India's state sponsored terrorism inside Pak. Details of financial & material support & Indian state's direct involvement in terrorism have been given to the world which, in the face of this evidence, cannot remain indifferent or silent.
— Imran Khan (@ImranKhanPTI) November 14, 2020
انہوں نے کہا ہم توقع کرتے ہیں کہ بین الاقوامی برادری دہشت گردی ترک کرنے اور پاکستان میں ہزاروں معصوم انسانوں کے قاتلوں کو کیفر کردار تک پہنچانےکیلئے بھارت کو مجبور کرے گی۔ ہماری باہمت و بہادر حفاظتی ایجنسیاں اور افواج اپنے لوگوں کے تحفظ کیلئے اپنا سب کچھ نچھاور کرنے کا سلسلہ جاری رکھیں گی۔
وزیر اعظم عمران خان کا کہنا تھا کہ کہیں کوئی شک باقی نہیں رہنا چاہئیے کہ ہم اپنی سرزمین کی حفاظت کرنا جانتے ہیں چنانچہ اپنے اجتماعی قومی عزم کیساتھ دفاعِ وطن کا فریضہ سرانجام دیتے رہیں گے۔