ویب ڈیسک : کیوی کرکٹر راس ٹیلر  نے انڈین پر یمیئر لیگ  کے بارے میں انکشاف کرتے ہوئے بتایا کہ ان پر تشدد کیا گیا تھا ۔ 

  تفصیلات کے مطابق  راس ٹیلر نے اپنی نئی کتاب میں انکشاف کیا کہ صفر  پر آؤٹ ہوا تو راجستھان رائلز کے مالک نے مجھے تھپڑ مارے۔ راس ٹیلر نے اپنی کتاب میں بتایا کہ مجھے تین چار تھپڑ مارے گئے  ۔ ملین ڈالر صفر پر آؤٹ ہونے کے نہیں دیئے  اور  جب آپ اس قسم کی رقم لاتے ہیں تو   آپ یہ ثابت کرنے کے لیے بے چین ہوتے ہیں کہ آپ اس کے قابل ہیں۔ جو لوگ آپ کو اس قسم کی رقم ادا کر رہے ہیں ان سے بہت زیادہ توقعات وابستہ  ہوتی ہیں ۔ یہ پیشہ ورانہ کھیل اور انسانی فطرت ہے۔ میں نے اپنے واجبات ادا کیے تھے۔

  راس ٹیلر کا کہنا تھا کہ RCB میں اگر میں کمزور ہوتا تو انتظامیہ کو مجھ پر بھروسہ نہ  ہوتا ۔ جب آپ کسی نئی ٹیم میں جاتے ہیں تو آپ کو وہ    آرام دہ اور پرسکون حمایت نہیں ملتی   کیونکہ آپ جانتے ہیں کہ اگر آپ بغیر کسی سکور کے دو یا تین گیمز کھیلتے ہیں  تو آپ سرد آنکھوں سے جانچ پڑتال کے تحت آتے ہیں۔

راس ٹیلر نے مزید کہا کہ گو کہ تھپڑ جارح نہیں تھے مگر پروفیشنل ماحول میں ایسا سوچ بھی نہیں سکتا۔38 سالہ راس ٹیلر نے یہ انکشافات اپنی نئی کتاب میں کیے ہیں۔