ویب ڈیسک: لاہور این اے 129 کے 28 پولنگ اسٹیشن کے غیر سرکاری غیر حتمی نتائج سامنے آگئے۔
این اے 129 کے 28 پولنگ اسٹیشن کے غیر سرکاری غیر حتمی نتائج کے مطابق پاکستان تحریک انصاف کے نامزد امیدوار میاں محمد اظہر 10 ہزار 424 ووٹ لیکر پہلے نمبر پر رہے، جبکہ مسلم لیگ نون امیدوار محمد نعمان 5ہزار672 ووٹ لیکر دوسرے نمبر پر رہے۔
ویب ڈیسک : ورلڈ انٹرنیشنل ماؤنٹین ڈے کے موقع پر سیاحتی ماہر سلمان جاوید نے کہا ہے کہ ہمیں اس دن عہد کرنا چاہیے کہ ماحولیاتی تحفظ کے لیے کام کریں گے، قدرتی حسن کی حفاظت کریں گے ۔
پاکستان ٹورازم ڈویلپمنٹ کارپوریشن کے بورڈ آف ڈائریکٹرز کے ممبر سلمان جاوید نے ورلڈ انٹرنیشنل ماؤنٹین ڈے کے موقع پر کہا کہ ہمیں اس دن عہد کرنا چاہیے کہ ماحولیاتی تحفظ کے لیے کام کریں گے اور اس متعلق زیادہ سے زیادہ آگاہی پھیلائیں گے۔انہوں نے کہا کہ پاکستان میں واقع پہاڑ حیاتیاتی تنوع سے مالا مال ہیں، لیکن ایک دم سے بڑھتی ہوئی مقامی سیاحت، فضلہ تلف کرنے میں بدانتظامی اور موسمیاتی تبدیلی کی وجہ سے ان کا تنوع متاثر ہورہا ہے۔
سلمان جاوید نے تجویز پیش کی کہ ماحول دوست طرزِ عمل جیسے مختص کیمپنگ سائٹس، زرعی جنگلات اور ماحول دوست انفراسٹرکچر کی تعمیر انتہائی ضروری ہے۔
سیاحتی ماہر نے پاکستان کے پہاڑوں میں تحفظ کی کوششوں کے لیے ماحولیاتی فیس متعارف کروانے کا مشورہ دیا۔ اس کے علاوہ انہوں نے کمیونٹی کی شمولیت، گرین انفراسٹرکچر اور پبلک پرائیویٹ پارٹنرشپ کی اہمیت پر بھی زور دیا۔ سلمان جاوید نے کہا کہ یہ اقدامات پائیدار پہاڑی سیاحت کو فروغ دیں گے، قدرتی حسن کی حفاظت کریں گے، پائیدار معاش فراہم کریں گے، اور پاکستان کو ذمہ دارانہ سیاحت کے میدان میں عالمی رہنما کے طور پر پیش کریں گے۔
انہوں نے مزید کہا کہ ماؤنٹین اسپورٹس کافی مہنگا شوق مگر چونکہ شوقین لوگ پیسہ خرچ کرتے ہیں، اس لیے رائلٹی میں مناسب اضافہ اور پہاڑی روٹس کو روٹیشنل بنیادوں پر ٹھیکہ دینا آمدنی بڑھانے کا زریعہ بنے گا، جسے عوامی بہبود پر خرچ کیا جا سکتا ہے۔
انہوں نے پہاڑوں کی صفائی مہمہات کی حوصلہ افزائی کرنے، آلودگی پھیلانے والوں پر بھاری جرمانے عائد کرنے اور آلودگی کے ذمہ داروں کے لیے رابطہ افسران کو جوابدہ بنانے کی تجاویز بھی دیں۔
December 12, 2024
December 12, 2024
سٹی 42 : سینیٹر عرفان صدیقی نے کہا ہے کہ ہم آج بھی چاہتے ہیں بات چیت ہو کھلے دل سے ہو ۔
سینیٹر عرفان صدیقی نے سینیٹ میں اظہار خیال کرتے ہوئے کہا کہ بات چیت مفاہمت اور بیٹھ کر مسائل کا حل ہی طریقہ ہے، ہماری تاریخ میں بڑے نشیب و فراز آئے، ہم نے شاید اپنی تاریخ سے سبق نہیں سیکھا۔ انہوں نے کہا کہ جو لوگ 26 نومبر کو آئے وہ بھی پاکستانی تھے یہاں بھی پاکستانی ہیں، دنیا کے 195 ممالک میں سے کوئی ایک نام لے دیں جہاں احتجاج کا حق غیر مشروط ہے، کوئی ملک نہیں جہاں اظہار خیال احتجاج سے متعلق غیر مشروط اجازت ہو، کوئی احتجاج ایسا ہوتا ہے کیا جہاں الجہاد الجہاد کے نعرے ہوں، کیا کوئی احتجاج کیلئے ڈنڈے کیل غلیلیں لے کر آتا ہے؟۔
عرفان صدیقی نے کہا کہ قانون کے تحت ایک درخواست اور جگہ کا تعین کیا جاتا ہے ،یہاں کوئی درخواست نہیں دی گئی اور احتجاج ہوا۔ انہوں نے کہا کہ ہم آج بھی چاہتے ہیں بات چیت ہو کھلے دل سے ہو، آج بھی کہا گیا بات چیت فلاں تاریخ تک کریں ، بات چیت ہونی چاہیے ایسے بات چیت کیسے آگے بڑھے گی ۔
ویب ڈیسک : وفاقی وزیر خزانہ محمد اورنگزیب نے کہا ہے کہ معاشی چیلنجز درپیش تھے انہیں حل کیا ہے، ہماری معاشی سمت درست ہے ۔
محمد اورنگزیب نے کراچی میں میڈیا سے گفتگو کرتے ہوئے کہا کہ اسلامی مالیاتی نظام پر منتقلی کے سفر میں سب کو مل کر چلنا ہے، شریعہ اصولوں پر مرتب پراڈکٹ سے صارف کا اعتماد حاصل کرنا ہے، حکومت کو سکوک کے ذریعے سود سے پاک قرض مل سکتا ہے، دنیا میں ویلیو فنانشل خدمات کی مانگ بڑھ رہی ہے۔ انہوں نے کہا کہ ایس ای سی پی ریگولیٹری ماحول فراہم کر رہا ہے، ایس ای سی پی کی توجہ شعبےکی صلاحیت بڑھانے پربھی ہے۔
محمد اورنگزیب نے کہا کہ معاشی چیلنجز درپیش تھے انہیں حل کیا ہے، ہماری معاشی سمت درست ہے۔ انہوں نے کہ اکہ آئی ایم ایف نے این ایف سی ایوارڈ میں تبدیلی کی کوئی شرائط نہیں لگائیں، این ایف سی میں تبدیلی کے لیے صوبوں کے ساتھ مشاورت ضروری ہے اگر ایک صوبے میں آبادی یا فارمولا کے اعدادوشمار تبدیل ہو جائیں تو نیا معاہدہ کرنا پڑےگا۔
وزیر خزانہ نے کہا کہ اس وقت کی حکومت کو این ایف سی میں تبدیلی کرنا چاہیے تھی، وزارت خزانہ کے پاس تو جتنے فنڈز ہیں ان میں سے ہی تقسیم ہوں گے۔
December 12, 2024
ویب ڈیسک : کرلا حادثے میں بس کے بے قابو ہوتے ہی ممبئی بس ڈرائیور نے دو بیگ اٹھائے اورکھڑکی سے چھلانگ لگا دی۔ سی سی ٹی وی فوٹیج میں حیرت انگیز منظر سامنے آگیا
ممبئی کے کرلا علاقے میں 7 افراد کی جان لینے والی بیسٹ بس کے اندر کے سی سی ٹی وی ویڈیوز میں ڈرائیور سنجے مور کو بے قابو بس کو سنبھالنے کی بجائےکیبن سے بیگ جمع کرتے ہوئے دکھایا گیا ہے ، ڈرائیور نے دو بیگ اکھٹے کیے اور ٹوٹی ہوئی کھڑکی سے چھلانگ لگا کر مسافروں کو بے یارو مددگار چھوڑ دیا ۔
بس کی فوٹیج کے کئی ویڈیو کلپس سوشل میڈیا پر وائرل ہوئے، جس میں مسافروں کو خوف و ہراس میں دکھایا گیا جب کرلا میں پیر کی رات الیکٹرک گاڑی (EV) بے قابو ہوگئی اور کئی گاڑیوں اور پیدل چلنے والوں کو ٹکر ماری۔جس میں 7 افراد جاں بحق ہوئے اور کئی افراد زخمی بھی ہوئے
ویڈیو میں دیکھا جا سکتا ہے کہ بس جو شروع میں معمول کی رفتار سے چل رہی تھی اچانک بے ہنگم انداز میں چلنے لگی ، مسافروں نے کھمبوں اور ہینڈلز کو مضبوطی سے تھام لیا، جب کہ کئی لوگوں نے کھڑکی سے باہر دیکھا تاکہ یہ معلوم کیا جا سکے کہ آگے کی سڑکوں پر کیا ہو رہا ہے۔
بس کے رکنے کے فوراً بعد، کئی مسافروں نے دروازے سے باہر نکلنے کے لیے اپنی باری کا انتظار نہیں کیا مسافر خوف زدہ تھے اور انہوں نے موقع غنیمت جانتے ہوئے دروازے کی بجائے ٹوٹی ہوئی کھڑکیوں سے چھلانگ لگا دی۔
December 12, 2024
December 12, 2024
عابد چوہدری : گلبرگ میں واقع ہوٹل میں خاتون گینگ ریپ کا نشانہ بن گئی، پولیس نے2 مرکزی ملزموں کو گرفتار کر لیا .
پولیس کے مطابق ملزموں متاثرہ خاتون کے محلے دار ہیں 4 یا5 ماہ قبل بہانے سے متاثرہ خاتون کو ہوٹل لیے کر گئے، جہاں ملزموں نے ہوٹل کمرے میں خاتون کو نشہ آور دوا پلا کو زیادتی کا نشانہ بنایا اور موبائل سے فوٹیجز بناتے رہے۔
ملزموں نے متاثرہ خاتون کو ویڈیوز کے ذریعے بلیک میل کر کے 2 ساتھیوں کے ہمراہ گینگ ریپ کا نشانہ بنایا۔
ایس پی ماڈل ٹاون کا کہنا ہے کہ خاتون کی جانب سے درخواست موصول ہونے پر واقعہ کا مقدمہ درج کیا گیااور 2 ملزموں کو گرفتار کر لیا گیا۔گرفتار ملزموں میں عبدالرحمن اور شبیر شامل ہیں جبکہ دیگر ملزموں کی گرفتاری کیلئے کارروائیاں جاری ہیں۔
سٹی 42 : پنجاب کے گورنر سردار سلیم حیدر نے کہا ہے کہ تمام اداروں کو اپنے اپنے احتساب کی ضرورت ہے۔
نیشنل اسکول آف پبلک پالیسی میں تقریب سے خطاب کرتے ہوئے انہوں نے کہا کہ نیشنل چارٹر کی ضرورت ہے جس کے تحت سیاستداں، ججز اور بیوروکریٹس ملک کی ترقی میں اپنا کردار ادا کریں۔ اُنہوں نے کہا کہ ملک اندرونی اور بیرونی سازشوں میں مبتلا ہے، ہم سب کو ان کا مقابلہ کرنا ہے۔
گورنر پنجاب نے کہا کہ آئی ایم ایف اور طاقت ور ملکوں کے پاس مدد کے لیے جانا شرمندگی کا باعث ہے۔ انہوں نے کہا کہ بیوروکریسی عوام کی خدمت میں کوئی کسر نہ چھوڑے، ہمارے ملک کی بیوروکریسی بہت مضبوط ہے۔
December 12, 2024
December 12, 2024
عابد چوہدری :شالیمار میں رکشہ ڈرائیور نے کم سن طالبہ کو مبینہ طور پرزیادتی کا نشانہ بنا ڈالا۔
طالبہ سے مبینہ زیادتی کا مقدمہ درج ہوگیا ہے ۔ پولیس نے رکشہ ڈرائیور کو گرفتار کرلیا ۔پولیس حکام کے مطابق 15سالہ طالبہ چھوٹی بہن کے ہمراہ سکول گئی،چھٹی کے وقت ہمسایہ رکشہ لے کر سکول کے باہر پہنچ گیا،رکشہ ڈرائیور نے طالبہ کواسکے باپ کے حادثے کا بتا کر رکشہ میں بٹھایا،ملزم چھوٹی بہن کے سامنے طالبہ کو جنسی زیادتی کا نشانہ بناتا رہا۔
پولیس کا کہنا ہے کہ مقدمہ درج کر کے ملزم لاذر مسیح کو گرفتار کر لیا گیا، متاثرہ طالبہ کو طبی معائنے کے لئے ہسپتال منتقل کردیا ، زیادتی کے واقعات میں نو ٹالرنس پالیسی ہے ۔ملزم کو کڑی سزا دلوائیں گے ۔
جمال الدین جمالی: انسداد دہشت گردی کی عدالت میں نو مئی 2023 کو تھانہ شادمان نذر آتش کرنے کے مقدمہ میں پی ٹی آئی کے وائس چئیرمین شاہ محمود قریشی، پی ٹی آئی پنجاب کی لیڈر اور پنجاب کی سابق وزیر صحت ڈاکٹر یاسمین راشد اور دیگر ملزموں پر فرد جرم عائد کر دی گئی۔
استغاثہ نے آج صبح انسداد دہشت گردی عدالت کی سماعت کے دوران ملزموں پر فرد جرم عائد کی۔جج مناظر علی گل نے ملزموں کو کٹہرے مین بلا کر انہیں فرد جرم پڑھ کر سنائی۔ ملزموں نے جرم قبول کرنے سے انکار کیا۔
فردِ جرم عائد کرنے کے بعد استغاثہ طریقہ کار کے مطابق اپنے گواہوں کو عدالت مین پیش کرے گا۔ آھ جمعرات کے روز انسداد دہشت گردی عدالت نے ملزموں کے جرم کی شہادت دینے کیلئےگواہوںکو آئندہ سماعت میں پیش کرنے کا حک م دے دیا۔
عدالت نے سماعت 19 دسمبرتک ملتوی کر دی۔
ملزموں کی طرف سے برھان معظم ملک اور رانا مدثر عمر ایڈووکیٹ عدالت میں پیش ہوئے۔ سکیورٹی کی ضروریات کے سبب اس کیس کی سماعت کوٹ لکھپت جیل میں ہوئی، آئندہ سماعت بھی وہیں ہو گی۔
تھانہ شادمان کو آگ لگائے جانے کے مقدمہ میں ملزموں پر آج عائد کی جانے والی فردِ جرم کی تفصیل ابھی سامنے نہیں آ سکی۔
December 12, 2024
December 12, 2024
عابد چوہدری : گھریلو تشدد میں ملوث ملزم ورچوئل ویمن پولیس اسٹیشن کے ذریعے گرفتار ہوگیا۔
سیف سٹی اتھارٹی حکام کے مطابق خاتون نے 15پر کال کرکے شکایت درج کروائی کہ اس کا شوہربچوں سمیت بدترین تشدد کرتا ہے،خاتون کا کہنا تھا کہ شوہر بچوں پر تشدد کرتا ااورگھر کے سامان کی بھی توڑپھوڑ کرتا ہے۔شوہر کی روز کی مار پیٹ سے تنگ آکرخاتون نے پولیس کی مدد طلب کی،ورچوئل ویمن پولیس اسٹیشن نے پولیس کو فوری موقع پر روانہ کیا اورپولیس نے فوری کارروائی کرتے ہوئے خاتون کو تحفظ فراہم کیا،خاتون کی شکایت پر شوہر کے خلاف مقدمہ درج کر کے اسے حراست میں لے لیا۔
حکام کے مطابق خواتین کسی بھی ایمرجنسی میں فوری 15 پر کال کرکے ورچوئل ویمن پولیس سٹیشن سے رابطہ کرسکتی ہیں
سٹی 42: وفاقی وزیر اطلاعات عطاءاللہ تارڑ تین روزہ دورے پر استنبول پہنچ گئے ۔
وفاقی وزیر اطلاعات استنبول میں ہونے والی Stratcom Summit 2024 میں پاکستان کی نمائندگی کریں گے ، عطاءاللہ تارڑ استنبول میں قیام کے دوران ترکیہ کے ہیڈ آف کمیونیکیشنز پروفیسر فرحتین التون سے ملاقات کریں گے، وفاقی وزیر اطلاعات ٹی آر ٹی ورلڈ ہیڈ کوارٹرز اور البیرک میڈیا گروپ کا بھی دورہ کریں گے ۔
اپنے دورہ کے دوران وفاقی وزیر اطلاعات ڈی جی انٹرنیشنل براڈ کاسٹ، سی ای او البیرک میڈیا گروپ سے بھی ملاقاتیں کریں گے۔
December 12, 2024
December 12, 2024
ویب ڈیسک : سپریم کورٹ نے سویلینز کے ملٹری کورٹ میں ٹرائل کیس میں 9 اور 10 مئی کی ایف آئی آرز کی تفصیلات طلب کرلیں۔
ملٹری کورٹس کے فیصلے کے خلاف انٹرا کورٹ اپیلوں پر سپریم کورٹ کے آئینی بینچ نے جسٹس امین الدین کی سربراہی میں سماعت کی، جس کے دوران جسٹس جمال مندوخیل نے ریمارکس دیے کہ آئین کے آرٹیکل 8 میں آرمی قوانین کا ذکر ان کے ڈسپلن سےمتعلق ہے، حضرت عمرؓ نے سخت ڈسپلن کی وجہ سےہی فوج کو باقی عوام سے الگ رکھا، فوج کا ڈسپلن آج بھی قائم ہے اور اللہ اسے قائم ہی رکھے، فوج کو ہی بارڈرز سنبھال کر ملک کا دفاع کرنا ہوتا ہے۔
جسٹس مندوخیل نے کہا کہ فوجی کو قتل کرنے والے کا مقدمہ عام عدالت میں چلتا ہے، فوجی تنصیبات پر حملہ بھی تو انسداددہشتگردی ایکٹ کےتحت ہی جرم ہے، اس پر جسٹس مسرت ہلالی نے کہا کہ ذاتی عناد پر فوجی کاقتل الگ اور بلوچستان طرز پر فوج پر حملہ الگ چیزیں ہیں۔ جسٹس مظہر علی نے ریمارکس دیے کہ ملٹری کورٹس میں جن رولز کے تحت ٹرائل ہوتا ہے اس کی تفصیل فراہم کریں۔
جسٹس مسرت ہلالی حکومتی وکیل کو 9 اور 10 مئی کی ایف آئی آرز کی تفصیل دینے کی ہدایت کی۔ جس کے بعد آئینی بینچ نے کیس کی مزید سماعت جمعہ تک ملتوی کر دی۔
ویب ڈیسک: جمعیت علماء اسلام (جے یو آئی) کے سربراہ مولانا فضل الرحمان نے کہا کہ آئینی ترمیم پردستخط ہوگئے تو مدارس بل پر کیوں نہ ہوئے،ہماری شکایت صدر ایون صدر سے ہے۔
ڈیرہ اسماعیل خان میں مولانا فضل الرحمان نے پریس کانفرنس کرتے ہوئے کہا کہ مدارس رجسٹریشن سے متعلق قانون دونوں ایوانوں سے منظور ہوئے، مدارس رجسٹریشن کا مسودہ حکومت نے تیار کیا،مدارس بل کی تیاری میں ن لیگ اور پیپلزپارٹی شامل تھی،مدارس بل کا معاملہ غیرضروری طور پر الجھا دیا گیا،علمائے کرام کو بلانے والے ہی تنازع کے ذمہ دار ہیں،دیگر مدارس کی وزارت تعلیم سے رجسٹریشن کا ملبہ ہم پر نہ گرایا جائے۔
December 12, 2024
December 12, 2024
جاوید آصف:سابق صدر ڈاکٹر عارف علوی کا کہنا ہے کہ اچھی بات ہے فیض حمید پر مقدمہ چل رہا ہے، انہوں نے سیاست میں حصہ لیا۔
کراچی میں میڈیا سے گفتگو کرتے ہوئے انہوں نے کہا کہ میں ہمیشہ اپنا کردار ادا کرنے کے لیے تیار رہاہوں، ملک کے لیے جان بھی قربان کر سکتے ہیں،عارف علوی کا کہنا ہے کہ عدالت نے سندھ حکومت اور ایف آئی اے سے میرے خلاف مقدمات کی تفصیلات مانگی ہیں۔
انہوں نے کہا کہ سابق صدر کے خلاف ایک 2014ء کی ایف آئی آر ہے کہ وہ اسلحہ سپلائی کرتے ہیں، عدالت نے مذاقاً کہا سابق صدر کسی کو قتل نہ کر دیں،پی ٹی آئی کے رہنما و سابق صدر کا یہ بھی کہنا ہے کہ ہمیشہ سے یہی کہنا تھا کہ مذاکرات کرو، اگر اب کوئی پیشرفت ہوئی ہے تو مثبت ہو گی۔
عرفان ملک:سال 2024 میں لاہوریوں نےٹریفک قوانین کی خلاف ورزیوں کے تمام ریکارڈ توڑ دیئے۔ٹریفک پولیس نے تاریخ میں پہلی بار تین سو کروڑ کے چالان کر ڈالے۔
ٹریفک پولیس لاہور نے رواں سال 56 لاکھ سے زائد ٹریفک خلاف ورزیوں پر چالان کئے،سب سے زیادہ خلاف ورزی کرنے والوں میں موٹر سائیکل سوار ہمیشہ کی طرح سرفہرست رہے۔
ٹریفک پولیس نے 34 لاکھ سے زائد موٹر سائیکل سواروں کے چالان کئے۔چنگ چی رکشہ کے دوسرے نمبر پر سب سے زیادہ چالان ہوئے تعداد 11 لاکھ رہی۔
پولیس ریکارڈ کے مطابق لین لائن کی خلاف ورزی پر لاہوریوں کے 17 لاکھ سے زائد چالان ہوئے ،ہیلمنٹ کا استعمال نہ کرنے پر لاہوریوں کے 6لاکھ سے زائد چالان ہوئے۔
December 12, 2024
December 12, 2024
ویب ڈیسک : میٹا کی مقبول ایپلیکیشن واٹس ایپ اپنے صارفین کی آسانی کے لیے جلد ہی ایک نیافیچر متعارف کروانے جارہا ہے ۔
واٹس ایپ کے اس نئے فیچر سے صارفین کو کسی ایسی زبان میں بھی کوئی پیغام موصول ہو جو اُنہیں سمجھ نہ آتی ہو تو بھی کوئی مسئلہ نہیں کیونکہ وہ نئے ٹرانسلیشن فیچر کی مدد سے بغیر کسی رکاوٹ کے تمام پیغامات اور چینل اپ ڈیٹس کا براہِ راست ایپ کے اندر ہی اپنی زبان میں ترجمہ کر کے پڑھ سکیں گے، اس نئے ٹرانسلیشن فیچر کو صارفین کی پرائیویسی متاثر کیے بغیر رابطے کو قائم رکھنے کے لیے ڈیزائن کیا گیا ہے۔
واٹس ایپ میٹا انفو کی رپورٹ کے مطابق اس نئے فیچر کو یہ یقینی بناتے ہوئے ڈیزائن کیا جا رہا ہے کہ جب صارفین اپنے تمام پیغامات اور چینل اپ ڈیٹس کا ترجمہ براہِ راست ایپ کے اندر ہی کریں تو کوئی ڈیٹا تھرڈ پارٹی سروسز یہاں تک کہ واٹس ایپ کے اپنے سرورز کو بھی نہ بھیجا جائے۔ اگرچہ یہ نیا فیچر ابھی تیاری کے مراحل میں ہے اور جلد ہی اپ ڈیٹ میں دستیاب ہو گا۔
دلچسپ بات ہی ہے کہ صارفین اپنی مطلوبہ زبان ایک بار ڈاؤن لوڈ کرنے کے بعد انٹرنیٹ کے بغیر بھی اس نئے فیچر کو استعمال کر سکیں گے۔
سٹی 42 : محکمانہ پروموشن اجلاس میں 67 ملازمین کو اگلے عہدے پرترقیاں مل گئیں ۔
لاہور ریجن کے ڈپٹی انسپکٹر جنرل جیل نوید رؤف کی سربراہی میں اجلاس ہوا، محکمانہ پروموشن اجلاس میں 67 ملازمین کو اگلے عہدے پرترقیاں مل گئیں، مذکورہ محکمانہ پروموشن کمیٹی میں23ہیڈوارڈرکوریگولرچیف وارڈ گریڈ 11میں ترقی دے دی گئی، جبکہ 39وارڈرکوریگولرہیڈوارڈرگریڈ9، اور 5لیڈی وارڈرکوریگولرلیڈی ہیڈوارڈرگریڈ9میں ترقی دےدی گئی۔
ڈپٹی انسپکٹر جنرل جیل نوید رؤف نے ترقی پانیوالے ملازمین کو مبارکباد دی، کہا کہ محکمہ جیل خانہ جات ملازمین کی فلاح و بہبود کے لیے ہر دم کوشاں ہے ۔
December 12, 2024
December 12, 2024
ویب ڈیسک: سپریم کورٹ کے جسٹس جمال مندوخیل نے سویلینز کے ملٹری کورٹ میں ٹرائل کیس میں استفسار کیا ہےکہ آرمڈ فورسز میں نہ ہونے والا فرد آرمڈ فورسز کے ڈسپلن کے نیچے کیسے آسکتا ہے؟
تفصیلات کے مطابق سپریم کورٹ کے آئینی بینچ نے جسٹس امین الدین کی سربراہی میں ملٹری کورٹس کے فیصلے کیخلاف انٹرا کورٹ اپیلوں پر سماعت کی جس میں وفاقی حکومت کے وکیل خواجہ حارث نے دلائل دیئے کہ ملٹری کورٹس کیس میں عدالتی فیصلہ دو حصوں پر مشتمل ہے، ایک حصے میں آرمی ایکٹ دفعات کو کالعدم قرار دیا گیا ہے جب کہ دوسرے حصے میں ملزمان کی ملٹری کورٹ میں کسٹڈی ہے۔
اس موقع پر جسٹس جمال مندوخیل نے ریمارکس دیئے کہ ملٹری کورٹس کا پورا کیس آرٹیکل 8 کے گرد گھومتا ہے، آرمڈ فورسز میں نہ ہونے والا فرد آرمڈ فورسز کے ڈسپلن کے نیچے کیسے آسکتا ہے؟ اس موقع پر خواجہ حارث نے کہا کہ اگر قانون اجازت دیتا ہے تو ڈسپلن کا اطلاق ہوگا۔
جسٹس جمال مندوخیل نے کہا کہ ایک شخص آرمی میں ہے اس پر ملٹری ڈسپلن کا اطلاق ہوگا، کوئی محکمہ زراعت میں ہے اس پر محکمہ زراعت کے ڈسپلن کا اطلاق ہوگا، کوئی شخص کسی محکمہ میں نہیں تو آرمڈ فورسز کے ڈسپلن کا اطلاق کیسے ہوگا؟ کیا غیر متعلقہ شخص کو ڈسپلن کے نیچے لانا آرٹیکل 8 کی خلاف ورزی نہیں ہوگی؟
خواجہ حارث کہا کہ مخصوص حالات میں سویلین پر بھی آرمی ایکٹ کا اطلاق ہوتا ہے، عدالت کے پاس آرمی ایکٹ دفعات کو کالعدم کرنے کا اختیار نہیں، اس پر جسٹس جمال نے کہا کہ اس طرح تو اگر کوئی اکسانے کا سوچے تو آرمی ایکٹ کا اطلاق ہوگا، کیا آرمی ایکٹ نے آئین کے آرٹیکل8کا سیکشن 1 غیرمؤثرنہیں کردیا؟ خواجہ حارث نے جواب دیا کہ ملٹری ٹرائل میں بھی فیئر ٹرائل کا آرٹیکل 10 اے موجود ہوتا ہے۔
جسٹس مندوخیل نے مزید کہا کہ پاکستان میں سب سے بڑا عہدہ صدر مملکت کا ہے، اگر صدرہاؤس پرحملہ ہو تو ملزم کا ٹرائل انسداد دہشتگردی عدالت میں ہوگا مگر آرمی املاک پر حملہ ہو تو ٹرائل ملٹری کورٹس میں؟ اس پر خواجہ حارث نے کہا کہ یہ فیصلہ قانون سازوں نے قانون سازی سے کیا ہے۔
جسٹس مسرت ہلالی نے ریمارکس دیئے کہ ملٹری کورٹس کے زیر حراست افراد کی ایف آئی آر کی نقول نہیں دی گئیں، کیا ملٹری کورٹ ٹرائل میں وکیل کی اجازت ہوتی ہے؟ کیا ملٹری کورٹ میں ملزم کو تمام مواد فراہم کیا جاتا ہے؟ اس پر خواجہ حارث نے جواب دیا جی ملٹری کورٹ میں ملزم کو وکیل اور تمام متعلقہ مواد فراہم کیا جاتا ہے۔
جسٹس جمال مندوخیل نے سوال کیا اگر ایک فوجی اپنے افسر کا قتل کردے تو کیس کہاں چلے گا؟ خواجہ حارث نے جواب دیا قتل کا کیس عام عدالت میں چلے گا۔
بعد ازاں عدالت کے آئینی بینچ کی جانب سے کیس کی مزید کل تک ملتوی کردی گئی ہے۔
ویب ڈیسک: معروف امریکی گلوکارہ اور اداکارہ 32 سالہ سلینا گومز نے اپنے 36 سالہ دوست بینی بلانکو سے منگنی کا اعلان کر دیا۔
سلینا گومز نے اس حوالے سے سوشل میڈیا پر لکھا کہ ہمیشہ کا آغاز اب ہوتا ہے جبکہ کمنٹ سیکشن میں بینی بلانکو نے اداکارہ کو اپنی اہلیہ قرار دیا ہے۔
سلینا گومز کی جانب سے شیئر کی گئی پوسٹ میں سب سے پہلی تصویر انکے ہاتھ کی ہے جس کی رنگ فنگر میں منگنی کی انگوٹھی دیکھی جاسکتی ہے۔دوسری تصویر میں سلینا ایک سر سبز مقام پر بیٹھی اپنے ہاتھ میں پہنی انگوٹھی کو خوشی سے دیکھتی نظر آرہی ہیں جبکہ تیسری تصویر میں سلینا گومز ہنس رہی ہیں اور اپنی انگوٹھی والا ہاتھ سامنے کی جانب کر رکھا ہے۔
چوتھی اور آخری تصویر میں سلینا گومز نے اپنی محبت اور منگیتر کے ساتھ تصویر شیئر کی جس میں بینی بلانکو سلینا کو گلے لگائے بیٹھے ہیں اور سر پر بوسہ دے رہے ہیں.
شوبزانڈسٹری سے وابستہ افراد اور مداحوں کی جانب سے سلینا گومز کو مبارک باد دینے کے ساتھ ساتھ ان کے لیے نیک خواہشات کا اظہار بھی کیا جا رہا ہے۔
غیر ملکی میڈیا کے مطابق سلیناگومز اوربینی بلانکو2023ء سے ساتھ رہ رہے ہیں اور اب دونوں نے باضابطہ طور پر منگنی کا اعلان کیا ہے۔
یاد رہے کہ سلینا گومز کا نام یوں تو متعدد معروف شخصیات کے ساتھ جڑا لیکن ان میں سب سے زیادہ مشہور نام جسٹن بیبر کا ہے کیونکہ دونوں کی محبت کسی سے ڈھکی چھپی نہیں رہی ۔
جہاں ایک طرف جسٹن بیبر نے 2018 میں ہیلی سے جنوبی کیرولینا میں ایک مختصر تقریب میں شادی کی اور رواں سال اپنی پہلی اولاد کو دنیا میں خوش آمدید کیا وہیں سلینا گومز نے بھی ایک سال بعد بینی بلانکو کے ساتھ اپنے رشتے کو بالآخر مضبوط بنانے کا فیصلہ کرتے ہوئے منگنی کرلی ہے لیکن شادی کی تاریخ کا اعلان تاحال نہیں کیا ہے۔
December 12, 2024
December 12, 2024
عابد چودھری: وحدت روڈ پر کالج کی طالبات کو آوازیں کسنے والے تین منچلے نوجوانوں کو ڈولفن ٹیم نے فوری طور پر گرفتار کر لیا۔ یہ واقعہ کالج کے اوقات کار میں پیش آیا جب نوجوان بلاوجہ کالج کے قریب جمع ہو جاتے تھے۔
کالج انتظامیہ نے بتایا کہ اکثر نوجوان کالج کے اوقات میں طالبات کی آمدورفت میں خلل ڈالتے ہیں اور آوازیں کسنے کی حرکت کرتے ہیں جس سے طالبات کی عزت و احترام متاثر ہوتا ہے۔
گرفتار کیے گئے نوجوانوں کو تھانہ وحدت کالونی کے حوالے کر دیا گیا ہے تاکہ ان کے خلاف کارروائی کی جا سکے۔
ایس پی ڈولفن نے اس صورتحال پر گفتگو کرتے ہوئے کہا کہ خواتین کو ایسی کسی بھی صورتحال میں فوری طور پر 15 پر کال کرنی چاہیے تاکہ بروقت کارروائی کی جا سکے۔
ویب ڈٖیسک: سونے کی قیمت میں مسلسل دوسرے روز بھی بڑا اضافہ ، فی تولہ قیمت 2300 روپے بڑھ گئی۔
آل پاکستان جیمز اینڈ جیولرز ایسوسی ایشن کے مطابق اس اضافے کے بعد ملک میں فی تولہ سونے کی قیمت بڑھ کر 2 لاکھ 82 ہزار 800 روپے ہو گئی ہے،اسی طرح 10 گرام سونے کی قیمت 1 ہزار 971 روپے کے اضافے کے بعد 2 لاکھ 42 ہزار 455 روپے ہو گئی۔
ایسوسی ایشن کے مطابق عالمی صرافہ بازار میں سونے کی قیمت 23 ڈالرز کے اضافے سے 2 ہزار 716 ڈالرز فی اونس ہو گئی ہے۔
خیال رہے کہ گزشتہ روز سونے کی فی تولہ قیمت میں3100 روپے کا اضافہ ہوا تھا۔
December 12, 2024
December 12, 2024
شہزاد خان: پنجاب میں سردی بڑھتے ہی مختلف اقسام کی مچھلی کی مانگ میں اضافہ ہوگیا۔
مختلف اقسام کی مچھلی آج 50 سے 200 روپے تک مہنگی ہوگئی ہے، رہو مچھلی کی قیمت میں 350 سے 550 روپے فی کلوگرام تک فروخت ہونے لگی۔
اس کے علاوہ ابلے ہوئے فارمی انڈہ 50 روپے جبکہ کچا انڈہ 38 روپے تک فروخت ہونے لگا، موسمی سبزیوں و پھلوں کی قیمتیں بھی سرکاری ریٹ لسٹ سے زیادہ میں فروخت ہو رہی ہیں ۔
گوشت کی بات کی جائے تو مٹن 2400 جبکہ بیف 1100 روپے فی کلو میں فروخت ہونےلگا۔
آئدہ ناز:یونیورسٹی آف لاہورمیں کالج آف ڈینٹسٹری کی سالانہ تقریب تقسیم انعامات،تقریب میں سال 2022 اور 2023 میں پوزیشن ہولڈرز کو میڈلز دئیے گئے۔
تقریب میں چیئرمین یونیورسٹی آف لاہور اویس رؤف نےخصوصی شرکت کی۔ریکٹر یونیورسٹی آف لاہور پروفیسر اشرف،ڈین یونیورسٹی کالج آف میڈیسن اینڈ ڈینٹسٹری پروفیسر مغیص بیگ،ایم ایس یونیورسٹی ڈینٹل ہسپتال ڈاکٹر محمد اسلم ،وائس پرنسپل ڈینٹل کالج پروفیسر ریحان قمر ،ڈین الائیڈ ہیلتھ سائنسز پروفیسر اشفاق ،ایچ او ڈی کمیونٹی اینڈ پریوینٹو ڈینٹسٹری ڈاکٹر عروج الحسن،ایچ او ڈی ڈینٹل مٹیرئیلز ڈاکٹر محمد حسن نے خصوصی شرکت کی۔
سالانہ تقریب تقسیم انعامات میں پروفیسر وجیہہ عالمگیر ،پروفیسر فریحہ بخاری، پروفیسر فریحہ ناز ، پروفیسر عرفان مجید ودیگر نے بھی شرکت کی۔
تقریب میں سال 2023 کی بیسٹ گریجویٹ سارہ پیلس کو خصوصی ایوارڈ دیا گیا،سال 2022 کی بیسٹ گریجویٹ کا ایوارڈ نور الہدیٰ کے نام رہا۔
December 12, 2024
December 12, 2024
ارشاد قریشی ,جمال الدین جمالی: توشہ خانہ ٹو کیس میں سابق وزیراعظم اور پاکستان تحریک انصاف (پی ٹی آئی) کے بانی چیئرمین اور ان کی اہلیہ بشریٰ بی بی پر فرد جرم عائد کردی گئی ۔
عمران خان اور بشریٰ بی بی کے خلاف توشہ خانہ ٹو کیس کی سماعت اسپیشل جج سینٹرل شاہ رخ ارجمند نے کی، کیس کی سماعت اڈیالہ جیل میں ہوئی،اس موقع پر سابق وزیراعظم عمران خان کے علاوہ سابق خاتون اول بشریٰ بی بی بھی اڈیالہ جیل میں موجود تھیں،ملزموں نے صحت جرم سے انکار کر دیا ۔
اسپیشل عدالت کے جج شاہ رخ ارجمند نے فرد جرم پڑھ کرسنائی جس کے بعد توشہ خانہ ٹو کیس کی سماعت 18 دسمبرتک ملتوی کردی گئی۔
کیس کی گزشتہ سماعت 5 دسمبر کو اڈیالہ جیل میں ہوئی تھی ، سماعت کے دوران بشریٰ بی بی عدالت میں حاضر نہیں ہوئی تھیں جس پر عدالت نے ان کے وارنٹ گرفتاری جاری کر دیئے تھے۔
عدالت نے ملزمہ کے ضامن کو بھی نوٹس جاری کرتے ہوئے کیس کی سماعت ملتوی کردی تھی۔
یاد رہے کہ عمران خان اور ان کی اہلیہ بشریٰ بی بی کو 13 جولائی کو عدت کیس میں بری کیے جانے کے بعد اس کیس میں گرفتار کیا گیا تھا جب کہ اسلام آباد ہائی کورٹ دونوں ملزمان کی ضمانت منظور کرچکی ہیں، بشریٰ بی بی کو رہائی مل گئی تاہم عمران خان کو ضمانت ملنے کے باوجود رہائی نہ مل سکی۔
توشہ خانہ ٹو کیس میں اکتوبر کے آخری ہفتے میں بشریٰ بی بی کو اسلام آباد ہائی کورٹ نے 10 لاکھ روپے کی ضمانت پر رہا کرنے کے احکام جاری کئے تھے، جس کے بعد ان کی رہائی کی روبکار جاری کی گئی تھی اور بشریٰ بی بی اڈیالہ جیل سے نکل کر پشاور چلی گئی تھیں۔
بشریٰ بی بی کو رواں سال 31 جنوری کو توشہ خانہ کیس میں 14 سال قید کی سزا سنائی گئی تھی،احتساب عدالت کی جانب سے فیصلہ سنائے جانے کے بعد بشریٰ بی بی نے خود جیل جاکر گرفتاری دی تھی اور انہوں نے مجموعی طور پر 9 ماہ کا عرصہ جیل میں گزارا ہے۔
سابق خاتون اول کی گرفتاری کےبعد کمشنر اسلام آباد نے بنی گالا میں واقع سابق وزیراعظم عمران خان کی رہائش گاہ کو سب جیل قرار دے دیا تھا جس کے بعد بشریٰ بی بی کو بنی گالا منتقل کردیا گیا تھا تاہم اسلام آباد ہائی کورٹ نے بشریٰ بی بی کی توشہ خانہ کیس میں سزا معطل کردی تھی لیکن نیب نے توشہ خانہ کیس ٹو میں انہیں 13 جولائی 2024 کو دوبارہ گرفتار کرلیا تھا۔
رواں سال 3 فروری کو اسلام آباد کے سول جج قدرت اللہ نے سابق وزیراعظم عمران خان اور بشریٰ بی بی کو دوران عدت نکاح کے مقدمے میں 7 سال قید کی سزا سنائی تھی تاہم 13 جولائی کی ڈسٹرکٹ اینڈ سیشن عدالت نے دوران عدت نکاح کے مقدمے میں سزا کو کالعدم قرار دےکر عمران خان اور بشریٰ بی بی کو بری کردیا تھا۔
آجکل سردیاں ہیں اور ہم بجلی کی قیمتوں کو بھلا چکے ہیں لیکن یاد رکھیں دن وہ نہیں رہے جب گرمی میں ہم بجلی کی قیمتوں کو لیکر بلبلا رہے تھے اور دن یہ بھی نہیں رہنے جب ہم بجلی کو بھول کر گیس کی کمی اور بلوں کا رونا رو رہے ہیں ، یاد رکھیں مستقبل میں کوئی حکومت کھوکھلے نعروں اور جھوٹے سہاروں پر چلائی نہیں جائے گی عوام کے غم و غصے میں بجلی کی قیمتوں کے باعث اضافہ ہورہا ہے اور یہ لاوا پکتا جارہا ہے اس دوران اب اگر کوئی امید کی کرن ہے تو وہ ایک ایسا نو وارد ادارہ ہے جس نے حقیقی معنوں میں بجلی کی دکھتی عوامی رگ پر صحیع جگہ ہاتھ رکھا ہے میری مراد سپیشل اینویسٹمنٹ فسیلیٹیشن کمیٹی (آیس آئی ایف سی ) سے ہے ۔
زبردست عوامی دباؤ کو کم کرنے کیلئے حکومت نے بگاس (گنے کا پھوک) سے بجلی بنانے والے آٹھ اداروں کے ساتھ معاہدات کو از سر نو جائزہ لینے کا اعلان کیا اور تاثر یہ دیا گیا کہ وزیر اعظم کے خاندان سے وابستہ بجلی بنانے والے کارخانے کو بھی بخشا نہیں گیا لیکن یہ اقدام آئی واش سے ذیادہ کچھ نہیں ہے جن بگاس سے بجلی بنانے والی آٹھ پاور پلانٹس کے ٹیرف کا از سر نو جائزہ لیا جائے گاان آٹھ کپنیوں میں جے ڈی ڈبلیو، چنیوٹ پاور، حمزہ شوگر، الموعیز انڈسٹری، تھل انڈسٹریز اور چنار انرجی شامل ہیں لیکن یہ کمپنیز تو آٹے میں نمک سے بھی کچھ کم ہیں بگاس سے بجلی بنانے والے پہلے ہی سارا سال یہ کام نہیں کرتے اور اس سے پہلے ہی وہ کیپسٹی چارجز کی مد میں کچھ نہیں لیتے یعنی جو بل پر آپ کو فیول ایڈجسٹمنٹ اور کپیسٹی چارجز ڈالے جاتے ہیں اُن میں ان پاور ہاؤسز کا کچھ بھی حصہ شامل نہیں ہوتا اس لیے ان معاہدات کو دوبارہ لکھنے سے بھی عوام کو کوئی بڑا ریلیف نہیں ملے گا ۔
ریلیف ملے گا وہ اس ساری بد عنوانی کو روک کر ملے گا جس کیلئے اب پاک فوج کی زیر نگرانی بنائے جانے والے ادارے ایس آئی ایف سی نے کمر کس لی ہے ایس آئی ایف سی کی معاونت سے توانائی کے شعبے میں نجکاری کیلئے حکومتی اقدامات کا آغاز کر دیا گیا ہے جس کے تحت ایس آئی ایف سی کی معاونت سے توانائی کے شعبے کی ترقی اور مسا ئل کے موثر حل کیلئے کاوشیں جاری ہیں ،حکومت کی جانب سے تین بہترین کارکردگی دکھانے والی پاور ڈسٹری بیوشن کمپنیوں (ڈسکوز) کی نجکاری کے لیے اہم پیشرفت ہوئی ہے ، ڈسکوز کی نجکاری کے عمل کو تیز کرنے کیلئے ایس آئی ایف سی کو مرکزی کردار دینے کا فیصلہ کیا گیا ہے، ابتدائی طور پر حکومت کےما تحت 52 فیصد آئی پی پیز میں سے اسلام آباد، گوجرانوالہ اور فیصل آباد کی ڈسکوز کی نجکاری کا فیصلہ کیا گیا ہے ، نجکاری کے عمل کو کامیاب بنانے کیلئے اسٹیئرنگ کمیٹی کی تشکیل کے ذریعے سنجیدہ اقدامات کئیے جا رہے ہیں ، کمیٹی کا مقصد نجکاری کے عمل کو تیز تر کرنے کیلئے تمام حکومتی اداروں کے درمیان ہم آہنگی سٹیک ہولڈرز کو آگاہ کرنے اور خدشات دور کرنے کیلئے جامع حکمت عملی تیار کی جا رہی ہے کمیٹی کی جانب سے ممکنہ خطرات اور چیلنجز کی پیشگی نشاندہی سے نجکاری کی کامیابی کے امکانات بڑھیں گے،کمیٹی ہفتہ وار پیش رفت کی رپورٹیں فراہم کر کے نجکاری کے عمل میں شفافیت اور جوابدہی کو یقینی بنا رہی ہے، ایس آئی ایف سی کے تعاون سے نجکاری کے ذریعے بجلی کے شعبے میں سرمایہ کاری اور کارکردگی میں بہتری کی توقع کی جارہی ہے ۔
اصل میں تو یہی سب سے بڑا مسئلہ ہے کہ بجلی کی تقسیم کار کمپنیاں توانائی کے شعبے کو دیمک کی طرح چمٹ چُکی ہیں جو کہیں آہستہ آہستہ اندر سے اور کہیں کھلم کھلا اپنی کمپنیوں کا سرمایہ کھا رہی ہیں ان کمپنیوں کی لوٹ مار کا اندازہ آج آنے والی ایک خبر سے ہی لگا لیں کہ لیسکو میں تنخواہوں کی مد میں کروڑوں روپے کا فراڈ ہونے کا معاملہ سامنے آیا ہے ،لیسکو میں تنخواہوں کی مد میں تقریبا 30 کروڑ روپے کے فراڈ کا انکشاف ہوا ،کمپنی نے تحقیقات کا دائرہ کار وسیع کرتے ہوئے افسران کو معطل کر دیا گیا ہے ایڈیشنل ڈپٹی مینجر اکاؤنٹس بینکنگ سیکشن محمد سلیم مغل کو معطل کر دیا گیاہے، اسسٹنٹ ڈائریکٹر آصف کو بھی فراڈ کیس میں معطل کر دیا گیا، انکشافات سامنے آنے پر لیسکو نے تحقیقاتی کمیٹی تشکیل دیکر انکوائری شروع کی ہے انکوائری کے دوران ذمہ داروں کو تعین کر کے مزید محکمانہ کارروائی عمل میں لائی جائیگی اور یہ صرف رسمی کارروائی ہوگی معطل تمام ملازمین دوبارہ سے بحال ہوں گے اور پھر سے لوٹ مار کا بازار گرم کریں گے یہی کچھ ہوتا رہا ہے اور یہی کچھ ہوگا ، صرف لیسکو یا ڈسکوز ہی نہیں سرکاری تمام اداروں میں ایک ٹرم عام بولی جاتی ہے قائد اعظم لیتے پکڑے گئے قائد اعظم دیکر چھوٹ گئے حساب برابر۔۔۔
نوٹ:بلاگر کے ذاتی خیالات سے ادارے کا متفق ہونا ضروری نہیں۔ایڈیٹر
December 12, 2024
December 12, 2024
راؤ دلشاد: وزیر اعلیٰ پنجاب مریم نوازشریف نے چین کے شہر شنگھائی میں اپنے دن کا آغاز ایکسپیریمنٹل سکول کے دورے سے کیا۔ انہوں نے سکول کے مختلف شعبوں کا مشاہدہ کیا اور کلاس روم میں پہنچ کر بچوں کو آرٹیفیشل انٹیلی جنس (AI) کے جدید طریقہ تعلیم کا جائزہ لیا۔
وزیر اعلیٰ نے طلبہ کی آرٹی فیشل انٹیلی جنس AI تخلیقات کا معائنہ کیا اور سکول کے بجٹ، نصاب اور تعلیم کے طریقہ کار کے بارے میں دریافت کیا۔ شنگھائی ایکسپیریمنٹل سکول میں بچوں کو 12 سے 15 سال کی عمر میں آرٹیفیشل انٹیلی جنس کی جدید ٹیکنالوجی سکھائی جاتی ہے، جس میں مفت تعلیم دی جاتی ہے۔بعد ازاں وزیر اعلیٰ مریم نواز شریف نے ضلع جیاڈنگ کی ڈائریکٹر بیورو آف ایجوکیشن گوان وینجی اور چائنیز اکیڈمی آف سائنسز کے صدر زیا ہانگ می سے ملاقات کی۔ اس دوران وزیر اعلیٰ کو چین کے ایجوکیشن سسٹم کے بارے میں خصوصی بریفنگ دی گئی۔
وزیر اعلیٰ مریم نواز شریف کی جانب سے چین کے تعلیمی نظام میں دلچسپی اور جدید تعلیمی رجحانات پر بات چیت کی گئی، جس سے پاکستان اور چین کے تعلیمی روابط مزید مضبوط ہونے کی توقع ہے۔وزیر اعلیٰ نے چینی ایجوکیشن سسٹم سے سیکھنے اور پاکستان میں اس کے نفاذ کے امکانات پر بات کی، جس سے پاکستان میں آرٹیفیشل انٹیلی جنس کی تعلیم کو فروغ دینے کے امکانات روشن ہو سکتے ہیں۔
ویب ڈیسک:سپریم کورٹ نے عادل بازئی کو ڈی سیٹ کرنے کا فیصلہ کالعدم قرار دیدیا، الیکشن کمیشن نے عادل بازئی کی قومی اسمبلی کی رکنیت بحال کر دی۔
سپریم کورٹ کے جسٹس منصور علی شاہ کی سربراہی میں 3 رکنی بنچ نے عادل بازئی کی قومی اسمبلی سے ڈی سیٹ کئے جانے کیخلاف درخواست پر سماعت کی، دوران سماعت سپریم کورٹ نے الیکشن کمیشن کے طریقہ کار پر سوالات اٹھا دیئے۔
جسٹس عائشہ ملک نے استفسار کیا کہ عادل بازئی کیس میں حقائق جانچنے کیلئے کمیشن نے انکوائری کیا کی؟ جسٹس عقیل عباسی نے کہا کہ بس بڑے صاحب کا خط آگیا تو بندے کو ڈی سیٹ کر دو یہ نہیں ہو سکتا،جسٹس منصور علی شاہ نے کہا کہ ایک حلقے کے عوام کو ڈس فرنچائز کرنے کا پیمانہ تو سخت ہونا چاہیے۔
درخواست گزار عادل بازئی کے وکیل سردار تیمور نے کہا کہ ایک دن معاملہ الیکشن کمیشن پہنچا اگلے دن کارروائی شروع کر دی گئی، ہم بلوچستان ہائیکورٹ گئے کہ ہمیں متعلقہ دستاویزات تو دیں، ہم نے کہا جو ن لیگ سے وابستگی کا بیان حلفی بتایا جا رہا ہے وہ تو ہمیں دیں۔
جسٹس عائشہ ملک نے ریمارکس دیئے کہ الیکشن کمیشن نے کہہ دیا وہ دستاویز تو سیکرٹ ہے،اس دوران عدالت نے ڈی جی لا الیکشن کمیشن کو روسٹرم پر بلا لیا۔
جسٹس عائشہ ملک نے کہا کہ آپ کے پاس دو بیان حلفی آئے تھے، ایک جیتنے والا کہہ رہا ہے میرا ہے دوسرا وہ کہتا ہے میرا نہیں، آپ نے کس اختیار کے تحت بغیر انکوائری ایک بیان حلفی کو درست مان لیا؟ کیا الیکشن کمیشن یہ کہہ سکتا ہے کہ بس ایک بیان حلفی پسند نہیں آیا دوسرا آگیا؟
دوران سماعت جسٹس عائشہ ملک نے استفسار کیا کہ کیا الیکشن کمیشن ملک کی تمام عدالتوں سے بالاتر ہے؟ آپ کو کسی چیز کی پرواہ ہی نہیں، کیا آپ کسی کو نہیں مانتے۔
جسٹس منصور علی شاہ نے ریمارکس دیئے کہ عدالتوں اور مجسٹریٹوں کو بھی نہیں مانتے، خود بھی انکوائری نہیں کرتے، کیا الیکشن کمیشن ایسا ٹرائل کرنے کا حق رکھتی ہے؟ ٹرائل کورٹ کی پاور الیکشن کمیشن کے پاس کہاں سے ہیں؟ الیکشن کمیشن نے تو بلڈوزر لگایا ہوا ہے۔
بعدازاں عدالت نے عادل بازئی کی اپیل منظور کرتے الیکشن کمیشن کا فیصلہ کالعدم قرار دے کر بطور رکن قومی اسمبلی بحال کر دیا، عدالت نے کہا کہ تفصیلی فیصلہ بعد میں جاری کیا جائے گا۔
خیال رہے کہ الیکشن کمیشن نے 63 اے کے تحت عادل بازئی کو قومی اسمبلی سے ڈی سیٹ کر دیا تھا،9 دسمبر کو سپریم کورٹ آف پاکستان نے رکنِ قومی اسمبلی عادل بازئی کی رکنیت بحال کی تھی جس کے بعد سپریم کورٹ نے الیکشن کمیشن سمیت فریقین کو نوٹس جاری کرتے ہوئے کیس کی سماعت 12 دسمبر تک ملتوی کر دی تھی۔
دوسری جانب سپریم کورٹ کا فیصلہ آنے کے بعد الیکشن کمیشن نے عادل بازئی کی قومی اسمبلی کی رکنیت بحال کر دی۔
الیکشن کمیش نے عادل بازئی کو ڈی نوٹیفائی کرنے کا نوٹیفکیشن معطل کرتے ہوئے کہا کہ سپریم کورٹ کے فیصلے کی روشنی میں عادل بازئی کو ڈی نوٹیفائی کرنے کا نوٹیفکیشن واپس لیا جاتا ہے۔
December 12, 2024
December 12, 2024
علی ساہی:پنجاب پولیس سموگ کی روک تھام، ماحولیاتی تحفظ کیلئے دیگر اداروں کے ساتھ مصروف عمل ہے۔
ترجمان پنجاب پولیس کے مطابق گذشتہ 24 گھنٹوں میں صوبہ بھر میں مقدمات درج کر کے03 قانون شکن عناصر کو گرفتار کر لیا گیا ہے،407 قانون شکن عناصر کو تقریبا 06 لاکھ 54 ہزار روپے سے زائد جرمانے جبکہ 29 کو وارننگ جاری کی گئی ہے۔
ترجمان نے بتایا کہ فصلوں کی باقیات جلانے کی 01 ، زیادہ دھواں چھوڑنے والی گاڑیوں کی 375 خلاف ورزیاں رپورٹ ہوئیں۔
ویب ڈیسک:ترجمان دفترِ خارجہ ممتاز زہرہ بلوچ نے کہا ہے کہ کشیدگی میں کمی اور شام کی خود مختاری کا احترام کرنا چاہیے۔
اسلام آباد میں ترجمان دفتر خارجہ نے ہفتہ وار میڈیا بریفنگ میں کہا کہ شام کی موجودہ صورتحال علاقائی امن کے لیے خطرہ ہے،شام میں امن اور سیکیورٹی کا قیام نہایت ضروری ہے۔
انہوں نے کہا کہ اقوامِ متحدہ کے اسرائیل سے فلسطینی علاقے خالی کرانے کے مطالبے کی حمایت کرتے ہیں، غزہ میں فلسطینیوں کا قتلِ عام فوری طور پر بند کیا جائے۔
ترجمان دفترخارجہ نےمزید کہاکہ عالمی برادری غزہ میں انسانی المیے کا نوٹس لے،انہوں نے کہا کہ کشتواڑ میں کشمیریوں کی جائیدادوں پر بھارتی قبضے کی مذمت کرتے ہیں۔
December 12, 2024
December 12, 2024
ویب ڈیسک: سپریم کورٹ آئینی بینچ نے پریکٹس پروسیجر آرڈیننس کے خلاف چیئرمین تحریک انصاف بیرسٹر گوہر علی خان سمیت دیگر کی دائر درخواستیں خارج کر دیں۔
آئینی بینچ نے پریکٹس پروسیجر آرڈیننس کے خلاف درخواستوں کو مسترد کرنے کا فیصلہ دیا۔
جسٹس امین الدین خان نے ریمارکس دیے کہ پریکٹس اینڈ پروسیجر آرڈیننس ختم ہو چکا ہے۔ جسٹس محمد علی مظہر نے کہا کہ آرڈیننس کے بعد پریکٹس اینڈ پروسیجر میں پارلیمنٹ نے قانون سازی کر دی ہے۔
وکیل درخواست گزار نے کہا کہ آرڈیننس کے تحت کمیٹی کے ایکشن کو کالعدم قرار دیا جائے۔ جسٹس جمال مندوخیل نے کہا کہ قانون آجائے تو آرڈیننس خود بخود ختم ہو جاتا ہے۔
جسٹس محمد علی مظہر نے کہا کہ آرڈیننس کے تحت بنی کمیٹی ختم ہوگئی، کمیٹی کے فیصلوں کو پاس اینڈ کلوز ٹرانزیکشنز کا تحفظ ہے۔ جسٹس جمال مندوخیل نے کہا کہ آئین صدر پاکستان کو آرڈیننس جاری کرنے کا اختیار دیتا ہے۔
واضح رہے کہ چیئرمین تحریک انصاف گوہر علی خان، افراسیاب خٹک، احتشام الحق اور اکمل باری نے آرڈیننس کے خلاف درخواستیں دائر کی تھیں۔
facebooktwitter
ویب ڈیسک: مقبول تُرک سیریز ’ارطغرل غازی‘ میں مرکزی کردار ادا کرنے والے اداکار انجین التان دوزیتان نے اپنی عالمی شہرت کا سارا کریڈٹ پاکستان کو دے دیا۔
انجین التان دوزیتان نے حال ہی میں سعودی عرب میں منعقد ہونے والے 'ریڈ سی فلم فیسٹیول' میں گفتگو کے دوران پاکستان میں اپنے ڈرامے کی مقبولیت کے بارے میں بات کی۔ایونٹ کے دوران بات کرتے ہوئے ترک اداکار نے کہا کہ ان کے ڈرامے کو پوری دنیا میں سراہا گیا، ان کا ڈراما پہلے ہی اپنے ملک میں مقبول ہوچکا تھا لیکن پاکستان میں نشر ہونے کے بعد الگ ہی معاملہ ہوا۔
انجین التان دوزیتان کا کہنا تھا کہ پوری دنیا میں فلموں اور ڈراموں کے شائقین تقریبا ایک جیسے ہی ہوتے ہیں لیکن ’ارطغرل غازی‘ کے پاکستان میں نشر ہونے کے بعد انہیں دوسری طرح کی پذیرائی ملی۔انہیں پاکستان میں ’ارطغرل غازی‘ کی وجہ سے کافی شہرت ملی، ساتھ ہی دنیا بھر میں ان کی مقبولیت میں اضافہ ہوا اور وہ سمجھتے ہیں کہ ان کی مقبولیت میں پاکستان کا اہم کردار ہے۔
ایک سوال کے جواب میں انجین التان دوزیتان نے بتایا کہ ارطغرل ڈرامے کی شوٹنگ کے دوران ان پر کردار کا اثر ہوچکا تھا اور انہیں کردار کے اثر سے نکلنے میں کافی وقت لگا۔انجین التان دوزیتان کا مزید کہنا تھا کہ ان کی خواہش رہی ہے کہ وہ کسی ڈرامے یا فلم میں جدید ترکیہ کے بانی کمال اتاترک کا کردار ادا کریں۔
واضح رہے کہ 'ریڈ سی فلم فیسٹیول' کا چوتھا ایڈیشن اس وقت جدہ میں جاری ہے، جس میں بین الاقوامی فلمی برادری کے کئی بڑے ناموں کو سعودی عرب میں عالمی سنیما کے شاندار جشن کے لیے مدعو کیا گیا ہے۔
یاد رہے کہ پی ٹی آئی دورِ حکومت میں سابق وزیراعظم عمران خان کی تجویز پر ترک ڈرامے ’ارطغرل غازی‘ کو پاکستان ٹیلی ویژن (پی ٹی وی) پر نشر کیا گیا تھا اور اس نے مقبولیت کے نئے ریکارڈ قائم کیے تھے۔
December 12, 2024
December 12, 2024
ویب ڈیسک:اسلام آباد ہائیکورٹ نے توشہ خانہ 2 کیس میں پی ٹی آئی کے بانی چیئرمین عمران خان کی اہلیہ بشریٰ بی بی کی ضمانت منسوخی کی درخواست نمٹادی جبکہ عدالت نے کہا ہے کہ اگر بشریٰ بی بی ٹرائل کورٹ میں پیش نہیں ہوتیں تو ٹرائل کورٹ جج ضمانت واپس لے سکتا ہے۔
اسلام آباد ہائیکورٹ کے جسٹس میاں گل حسن اورنگزیب نے توشہ خانہ 2 کیس میں ایف آئی اے کی سابق خاتون اول بشریٰ بی بی کی ضمانت منسوخی کی درخواست پر سماعت کی،بشریٰ بی بی اپنے وکیل سلمان صفدر کے ہمراہ عدالت کے سامنے پیش ہوئیں جبکہ ایف آئی اے پراسیکیوٹر ذوالفقار عباس نقوی بھی عدالت کے سامنے پیش ہوئے۔
جسٹس میاں گل حسن اورنگزیب نے استفسار کیا کہ کدھر ہے بشری بی بی؟ جس پر وکیل سلمان صفدر نے بتایا کہ وہ کمرہ عدالت میں ہیں,عدالت نے استفسار کیا کہ کب کب بشریٰ بی بی کو ٹرائل میں حاضری سے استثنیٰ ملا، جس پر سلمان صفدر نے بتایا کہ 5 نومبر کو بشریٰ بی بی پیش نہیں ہوئیں استثنیٰ کی درخواست دائر ہوئی، 8 نومبر کو بشریٰ بی بی عدالت کے سامنے پیش ہوئیں، 12 نومبر کو سماعت نہیں ہوئی جبکہ 14 نومبر کو بشریٰ بی بی کو استثنیٰ ملا۔
وکیل سلمان صفدر نے عدالت کو مزید بتایا کہ 24 نومبر کو بشریٰ بی بی کیخلاف 25 مقدمات درج ہوئے، بشریٰ بی بی حفاظتی ضمانت کیلئے پشاورہائیکورٹ پیش ہوئیں، 5 دسمبر کو پہلی مرتبہ وارنٹ گرفتاری جاری ہوئے۔
عدالت ریمارکس دیئے کہ اگر بشریٰ بی بی ٹرائل کورٹ میں پیش نہیں ہوتیں تو ٹرائل کورٹ جج ضمانت واپس لے سکتا ہے، یہ ہائیکورٹ کی توہین عدالت نہیں ہے، ٹرائل کورٹ جج کے پاس اختیار ہے۔
بعدازاں عدالت نے عمران خان کی اہلیہ بشریٰ بی بی کی ضمانت منسوخی کی درخواست نمٹا دی۔
ویب ڈیسک: صدر مملکت آصف علی زرداری نے پاکستانی معیشت کے مختلف شعبوں میں چینی سرمایہ کاری بڑھانے پر زور دیا ہے۔
صدر مملکت آصف علی زرداری سے بلاول ہاؤس میں چین کے کاروباری وفد نے ملاقات کی جس میں وزیر اعلیٰ سندھ سید مراد علی شاہ، صوبائی وزراء، چین کے کونسل جنرل نے شرکت کی۔
ملاقات کے دوران صدر مملکت آصف علی زرداری نے پاکستانی معیشت کے مختلف شعبوں میں چینی سرمایہ کاری بڑھانے پر زور دیتے ہوئے کہا کہ پاکستان اور چین کے مابین اقتصادی اور تجارتی تعاون فروغ دینے کی ضرورت ہے، دونوں ممالک کے عوام بالخصوص سرمایہ کاروں اور کاروباری اداروں کے درمیان روابط بڑھانا ہوں گے۔
وفد نے ملکی شعبہ صحت کی ترقی کیلئے پاکستان میں میڈیکل سٹی کے قیام کیلئے 1 ارب ڈالر کی سرمایہ کاری میں دلچسپی کا اظہار کیا جبکہ معیشت کے مختلف شعبوں بالخصوص زراعت، لائیو سٹاک، توانائی، ٹرانسپورٹ اور مینوفیکچرنگ میں سرمایہ کاری میں بھی دلچسپی ظاہر کی۔
اس موقع پر صدر مملکت آصف علی زرداری کا کہنا تھا کہ پاکستان اور چین کے درمیان گہرے اور تاریخی برادرانہ تعلقات ہیں، دونوں ممالک کے اہم امور پر مشترکہ مفادات اور خیالات ہیں، پاکستان اور چین کے مابین کئی دہائیوں پر محیط گہری دوستی ہے۔
انہوں نے کہا کہ گوادر پورٹ کو ایک علاقائی تجارتی اور اقتصادی حب کے طور پر ترقی دینا میرا وژن تھا، گوادر بندرگاہ سے نہ صرف علاقائی روابط بہتر ہوں گے بلکہ علاقائی تجارت اور اقتصادی تعاون کو بھی فروغ ملے گا، پاکستان چینی سرمایہ کاروں کو خوش آمدید کہے گا، پاکستان چین کے ساتھ اقتصادی تعلقات اور کاروبار کو ترجیح دے گا۔
صدر مملکت کا کہنا تھا کہ چینی سرمایہ کاروں کو ہر ممکن سہولت اور مدد فراہم کرنے کیلئے پرعزم ہیں، سندھ میں چینی زبان کے کورسز متعارف کرائے گئے ہیں، چینی زبان کے کورسز پاکستان اور چین کے درمیان عوامی اور ثقافتی روابط مضبوط بنانے کی جانب اہم قدم ثابت ہوں گے۔
December 12, 2024
December 12, 2024
کومل اسلم: وزیراعلیٰ پنجاب مریم نوازکی فضائی آلودگی کیخلاف زیروٹالرنس پالیسی،نان زگ زیگ بھٹوں اورآلودگی پھیلانےوالی صنعتوں کیخلاف آپریشن تیز ، کارروائیوں کے دوران 10 یونٹس بند کر دیئے گئے۔
وزیر اعلیٰ کی ہدایت پر فضائی آلودگی کے خلاف آپریشن کے دوران محکمہ تحفظ ماحول نےمتعدد بھٹوں کو منہدم اور صنعتی یونٹس کو سیل کردیا،کارروائیوں کےدوران مجموعی طورپر10یونٹس کوبندکیاگیا،لاہور میں 5 صنعتی یونٹس انجینئرنگ ورک یونٹ، زیر تعمیر سائٹ، واشنگ یونٹ سیل کر دیئے۔
پنجاب میں 5مزیدیونٹس3کیمیکل یونٹس،1آئل مل،1فوڈیونٹ کوسیل کیاگیا، دوسری طرف لیہ 4 اور پاکپتن میں 2 نان زگ زیگ بھٹے منہدم کیے گئے۔ اس ضمن میں سینئر وزیر مریم اورنگزیب نے کہا ہے کہ سموگ کےخلاف ہرسطح پراقدامات اٹھائےجارہےہیں تا کہ شہری صاف ستھرے ماحول میں سانس لے سکیں ۔
Currency Exchange Rates Thursday 12 December , 2024
| Currency | Symbol | Buying | Selling |
| American Dollar | USD | 278.00 | 279.50 |
| Euro | EUR | 308.55 | 311.30 |
| Saudi Riyal | SAR | 73.75 | 74.30 |
| U.A.E Dirham | AED | 75.45 | 76.10 |
| Australian Dollar | AUD | 191.00 | 193.25 |
| China Yuan | CNY | 39.06 | 40.00 |
| Kuwaiti Dinar | KWD | 898.65 | 908.15 |
| Canadian Dollar | CAD | 206.60 | 209.00 |
| Qatari Riyal | QAR | 76.29 | 76.99 |
| Omani Riyal | OMR | 716.67 | 725.17 |
December 12, 2024
December 12, 2024
سونے اور چاندی کے آج کے ریٹس-جمعرات 12دسمبر ، 2024
| نام | معیار | وزن | ریٹ |
| سونا | 24 قیراط | فی 10 گرام | 237000روپے |
| سونا | 24 قیراط | فی ایک تولہ | 276400روپے |
| سونا | 22 قیراط | فی 10 گرام | 217248ر وپے |
| سونا | 22 قیراط | فی ایک تولہ | 253365روپے |
| چاندی | تیزابی | فی 10 گرام | 23700روپے |
| چاندی | تیزابی | فی ایک تولہ | 671900روپے |
آج کے گوشت اور انڈوں کے ریٹس -جمعرات 12دسمبر ، 2024
| نام | قسم | وزن / تعداد | ریٹ |
| بکرا / مٹن | گوشت | فی کلو | 2400روپے |
| گائے / بیف | گوشت | فی کلو | 1000روپے |
| مرغی برائلر | زندہ | فی کلو | 308روپے |
| مرغی برائلر | گوشت | فی کلو | 448روپے |
| انڈے | فارمی | فی درجن | 324 روپے |
December 12, 2024
December 12, 2024
لاہور: پھلوں کی آج کی ریٹ لسٹ -جمعرات 12 دسمبر ، 2024
| نام پھل | معیار | وزن | ریٹ |
| سیب کالا کلو پہاڑی | درجہ اول | فی کلو | 230روپے |
| امرود | درجہ اول | فی کلو | 150روپے |
| کیلا | درجہ اول | فی درجن | 125 روپے |
| گرما | درجہ اول | فی کلو | 155روپے |
| آڑو | درجہ دوئم | فی کلو | 170روپے |
| ناشپاتی | درجہ اول | فی کلو | 215روپے |
لاہور: سبزیوں کی آج کی ریٹ لسٹ-جمعرات 12 دسمبر ، 2024
| نام سبزی | معیار | وزن | ریٹ |
| آلو | درجہ اول | فی کلو | 82روپے |
| پیاز | درجہ اول | فی کلو | 145روپے |
| لہسن | چائنہ | فی کلو | 530روپے |
| لہسن | دیسی | فی کلو | 385 روپے |
| کھیرا | فارمی | فی کلو | 140روپے |
| بھنڈی | درجہ اول | فی کلو | 90روپے |
| لیموں | دیسی | فی کلو | 690روپے |
| کریلا | درجہ اول | فی کلو | 160روپے |
ویب ڈیسک:وزیر اطلاعات پنجاب عظمیٰ بخاری نے کہا ہے کہ سولر پینل سکیم وزیراعلیٰ کا فلیگ شپ پروگرام ہے۔
اپنے ایک بیان میں عظمیٰ بخاری کا کہنا تھا کہ پنجاب کیلئے بہت ساری اچھی خبریں ہیں، وزیراعلیٰ کے دورے میں دو تین چیزیں اہم تھیں، سموگ سے ہم سب لڑ رہے ہیں، سموگ سے لاہور، پشاور، کراچی سمیت پورا پاکستان متاثر ہے، وزیراعلیٰ مریم نواز سموگ کے حل کیلئے چائنہ کے ساتھ کام کرنا چاہتی تھیں۔
عظمیٰ بخاری نے کہا کوڑے سے کس طرح بجلی بنائی جا سکتی ہے، کیسے استعمال میں لایا جا سکتا ہے، وزیراعلیٰ نے یہ بھی دیکھا، سولر پروگرام کو آگے لے جانے کیلئے دنیا کی بڑی کمپنیوں سے بات چیت ہوگی،پنجاب کیلئے ایک انویسٹمنٹ کانفرنس شروع ہونے جا رہی ہے، کانفرنس میں دنیا کی بڑی بڑی کمپنیز شریک ہوں گی۔
صوبائی وزیر اطلاعات نے مزید کہا کہ پنجاب میں انڈسٹری سے متعلق بڑے اقدامات ہونے جا رہے ہیں، ہم تین بہت بڑے ایم او یوز بینک آف پنجاب کے ساتھ سائن کرنے جا رہے ہیں، انویسٹمنٹ کانفرنس سے بہت ساری فیلڈ میں بڑی کمپنیاں سرمایہ کاری کریں گے۔
December 12, 2024
December 12, 2024
قیصر کھوکھر: پنجاب پبلک سروس کمیشن (پی پی ایس سی) نے پی ایم ایس کے پہلے مرحلے اور تحصیلدار کے امتحانات کے لیے انتظامات مکمل کر لیے ہیں۔
ان امتحانات میں مجموعی طور پر 54,287 امیدوار شرکت کریں گے، جو 15 دسمبر کو منعقد ہوں گے۔ پی ایم ایس کے 67 سیٹوں کے لیے 21,006 اور تحصیلدار کی 14 سیٹوں کے لیے 33,281 امیدوار امتحانات میں حصہ لے رہے ہیں۔
امیدواروں کو پی ایم ایس اور تحصیلدار کے امتحانات کے لیے ایڈمیشن لیٹرز جاری کر دیے گئے ہیں۔ ان میں واضح طور پر یہ بتایا گیا ہے کہ پی ایم ایس کے امتحان کے لیے منتخب کردہ امتحانی سنٹر والے شہر میں ہی تحصیلدار کے امتحانات ہوں گے۔
امیدوار اپنے ایڈمیشن لیٹرز پی پی ایس سی کی ویب سائٹ سے ڈاؤن لوڈ کر سکتے ہیں۔ مزید تفصیلات کے لیے امیدوار ویب سائٹ پر وزٹ کر سکتے ہیں۔
امیدواروں کی سہولت کے لیے جہاں پی ایم ایس کے امتحانات ہو رہے ہیں، وہیں تحصیلدار کا امتحان بھی اسی شہر میں ہوگا۔
December 12, 2024
(زین مدنی )حکومت پنجاب نے پاکستان فلم انڈسٹری کو 2ارب روپے دینے کا فیصلہ کرلیا۔
وزیراعلیٰ پنجاب مریم نواز نے چند روز قبل پاکستان فلم انڈسٹری کے وفد سے تجاویز طلب کی تھیں،مقبول ترین فلمیں بنانے والے فلم سازوں اور ہدایت کاروں کو رقم دی جائے گی۔
چند روز قبل پاکستان فلم انڈسٹری کے وفد سے زوم میٹنگ میں وزیراعلیٰ پنجاب مریم نواز نے تجاویز طلب کی تھیں جس میں سب مسائل ڈسکس کئے گئے تھے جس کے بعد وزیراعلی پنجاب مریم نواز نے دو ارب روپے فلم انڈسٹری کودینے کافیصلہ کرلیا،یہ رقم ان فلم سازوں اور ہدایت کاروں کو دی جائے گی جو مقبول فلمیں بنا چکے ہیں اور ان کی فلمیں مقبول ہوئی ہیں۔
سٹی42:ڈائریکٹر جنرل نیب لاہورامجدمجیداولکھ کوگریڈ21میں ترقی دیدی گئی۔
ترقی کا نوٹیفکیشن نیب ہیڈکوارٹرز اسلام آبادکی جانب سے جاری کر دیا گیا،ترقی کے بعد امجدمجیداولکھ کی نیب لاہور میں ریگولر بنیادوں پر بطور ڈی جی تعیناتی کا حکم دیدیا گیا۔
December 12, 2024
December 12, 2024
ویب ڈیسک: وفاقی حکومت نے فیڈرل بورڈ کے ٹاپ 120 طلبا کو مفت الیکٹرک بائیکس دینے کا فیصلہ کر لیا۔
وفاقی وزیر رانا تنویر حسین کی زیر صدارت الیکٹرک وہیکلز پالیسی کا چوتھا اجلاس ہوا جس میں موٹر ویز اور قومی شاہراہوں پر 40 چارجنگ سٹیشنز کی تعمیر کی پیشرفت کا جائزہ لیا گیا،اجلاس میں وفاقی حکومت کی جانب سے فیڈرل بورڈ کے ٹاپ 120 طلبہ کو مفت الیکٹرک بائیکس دینے کا فیصلہ کیا گیا۔
رانا تنویر حسین نے اجلاس سے خطاب کرتے ہوئے کہا ہے کہ سی ڈی اے تمام پٹرول پمپس پر چارجنگ سٹیشنز نصب کرے، 39000 الیکٹرک بائیکس اور 1900 الیکٹرک رکشے رعایتی قرض پر فراہم کئے جائیں گے،شفافیت کیلئے پورا پروسیس ڈیجیٹلائز کیا جائے، وزیراعظم کے وژن کے مطابق اسلام آباد کو ماڈل شہر بنایا جائے گا، الیکٹرک وہیکلز پالیسی کا اعلان بہت جلد کیا جائے گا۔
ویب ڈیسک: پاکستان اور چین کی سرحد پر واقع خنجراب پاس کو پہلی بار موسم سرما کے دوران سیاحت کے لیے کھول دیا گیا۔
تاجکستان کی سرحد پر واقع چین کے شہر تاشکرگن میں اس موقع پر ایک رنگا رنگ افتتاحی تقریب کا انعقاد کیا گیا،اس دوران دونوں ممالک کی موسیقی کی دھن پر روایتی رقص کیا گیا اورآتش بازی کابھی مظاہرہ کیاگیا،تقریب کے بعد 21 مندوبین کو لے کر ایک سیاحتی بس چین سے پاکستان کے لیے روانہ ہوئی۔
فیڈریشن آف پاکستان چیمبرز آف کامرس اینڈ انڈسٹری کے صدر کے معاون راجا عظیم الامین نے تقریب میں پاکستانی وفد کی قیادت کی،وفد نے گِلگت بلتستان اور چین کے شمال مغربی علاقوں میں تجارت اور سیاحت کے فروغ کے لیے ذرائع تلاش کرنے کے لیے چینی حکومت کے حکام اور ٹریول ایجنٹوں سے ملاقاتیں کیں۔
دونوں ممالک کے مقررین نے خنجراب پاس کو سال بھر سیاحوں کے لیے کھولنے کو ایک تاریخی کامیابی قرار دیا جس سے خاص طور پر گلگت بلتستان اور سنکیانگ میں سیاحت کے فروغ میں بہت مدد ملے گی۔
گلگت بلتستان کے محکمہ سیاحت کے سربراہ اقبال حسین کااس موقع پرکہناتھا کہ اگرچہ خنجراب پاس کو 1984 میں سیاحت کے لئے کھول دیا گیا تھا،تاہم موسم سرما کے دوران خراب موسمی حالات کی وجہ سے اسے بند کردیا جاتا تھا اور یہ صرف موسم گرما تک محدود تھا،موسم سرما کی سیاحت سے محظوظ ہونے کے لیے سال بھرسرحد کھولنے کا آغاز ضروری تھا۔
تاشکرگن کے ڈپٹی کمشنر نے اس امید کا اظہار کیا کہ خنجراب پاس کے ذریعے سفر سے علاقے میں معیار زندگی میں بہتری آئے گی۔
December 12, 2024
December 12, 2024
ویب ڈیسک: نیا دن نیا ریکارڈ، پاکستان سٹاک مارکیٹ 1 لاکھ 13 ہزار پوائنٹس کی سطح بھی عبور کر گئی جبکہ ڈالر کی قیمت بھی کم ہوگئی ہے۔
کاروباری ہفتے کے چوتھے روز بھی کاروبار کے آغاز پر ہی پاکستان سٹاک ایکسچینج میں تیزی دیکھی گئی،سٹاک مارکیٹ میں ٹریڈنگ کے دوران 2500 سے زائد پوائنٹس اضافے کے ساتھ ہنڈرڈ انڈیکس 1 لاکھ 13 ہزار 374 پوائنٹس کی سطح پر ٹریڈ کر رہا ہے۔
واضح رہے کہ گزشتہ کاروباری روز کے اختتام پر پاکستان سٹاک ایکسچینج میں ہنڈرڈ انڈیکس 1913 پوائنٹس اضافے کے ساتھ 1 لاکھ 11 ہزار 810 پوائنٹس کی سطح پر بند ہوا تھا۔
دوسری جانب روپے کے مقابلے میں ڈالر کی قیمت میں بھی کمی کا سلسلہ برقرار ہے ، انٹر بینک میں 10 پیسے سستا ہونے کے بعد ڈالر کی قیمت 278 روپے 10 پیسے ہو گئی ہے۔
ویب ڈیسک:وفاقی وزیر داخلہ محسن نقوی اور تحریک انصاف پارلیمنٹرین کے بانی پرویز خٹک نے ملکی ترقی میں رکاوٹ ڈالنے والوں سے سختی سے نمٹنے کے عزم کا اعادہ کیا ۔
وزیر داخلہ محسن نقوی سے تحریک انصاف پارلیمنٹرین کے بانی پرویز خٹک نے ملاقات کی جس میں باہمی دلچسپی کے امور، ملک کی مجموعی صورتحال اور سیاسی امور پر تبادلہ خیال کیا گیا، خیبرپختونخوا میں امن و امان کے قیام سے متعلق اقدامات پر بھی گفتگو ہوئی،دوران ملاقات دونوں رہنماؤں نے پاکستان کی ترقی میں رکاوٹیں ڈالنے والےعناصر کا ڈٹ کر مقابلہ کرنے کے عزم کا اعادہ کیا۔
اس موقع پر تحریک انصاف پارلیمنٹرین کے بانی پرویز خٹک نے اسلام آباد میں احتجاج کے دوران شر پسندوں کے حملے میں شہید پولیس و رینجرز اہلکاروں کی شہادت پر گہرے دکھ اور افسوس کا اظہار کیا۔
وفاقی وزیر داخلہ محسن نقوی نے کہا کہ پاکستان ہم سب کا ہے اور سب نے مل کر اسے آگے لے کر جانا ہے، عوام صرف اپنے مسائل کا حل چاہتے ہیں، پاکستان کا مستقبل تابناک ہے، دنیا کی کوئی طاقت ترقی نہیں روک سکتی،دشمن کی سازشوں کو ناکام بنائیں گے۔
December 12, 2024
December 12, 2024
جنید ریاض:معیار تعلیم کی بہتری کیلئے ضلع لاہور کے پرائیویٹ سکولوں کا سروے کروانے کا فیصلہ ،سی ای او ایجوکیشن لاہور نذیر حسین چھینہ نے پرائیویٹ سکولز کے سروے کے لیے کمیٹیاں تشکیل دے دیں۔
معیار تعلیم کی بہتری کیلئے ضلع لاہور کے پرائیویٹ سکولوں کا سروے کروانے کا فیصلہ کر لیا گیا،سی ای او ایجوکیشن لاہور نذیر حسین چھینہ نے پرائیویٹ سکولز کے سروے کے لیے کمیٹیاں تشکیل دے دیں۔ڈسٹرکٹ ایجوکیشن آفسیر ایلمنڑی مردانہ و زنانہ لاہور کو فوکل پرسن بنا کر ڈپٹی ڈی ای اوز اور اے ای اوز کو سروے کا حکم دیا ہے۔
سکول ایجوکیشن ڈپارٹمنٹ کی ہدایت پر سی ای او لاہور نے نوٹی فیکشن جاری کر دیا۔ضلع لاہور میں قائم تمام سکولز کے سروے کا حکم دیا گیا ہے۔سی ای او ملک نذیر حسین چھینہ کا کہنا ہے کہ افسران خود جا کر سروے کریں گے،افسران 15 دنوں میں سروے مکمل کر کے رپورٹ جمع کروائیں گے۔
تعلیمی معیار کو بہتر بنانے کے لیے تمام سکولوں میں سروے کروایا جا رہا ہے۔ سی ای او ایجوکیشن کا مزید کہنا تھا کہ غفلت اور کوتاہی کسی صورت برداشت نہ کی جائے گی۔
اسرار خان:لاہور میں مال روڈ پر بغیر ہیلمٹ موٹرسائیکل سوار کا چالان ہونے پر آپے سے باہر ہوگیا۔ موٹرسائیکل سوار اور اس کے ساتھی نے چالان ہونے پر روڈ بلاک کر دیا اور احتجاج شروع کر دیا۔
پولیس کے مطابق منع کرنے پر موٹرسائیکل سوار نے ٹریفک وارڈن سے الجھتے ہوئے وائرلیس سیٹ چھیننے کی کوشش کی جس پر زبیر غفور نامی ملزم کو موقع پر گرفتار کر لیا گیا جبکہ اس کا ساتھی فرار ہونے میں کامیاب ہو گیا۔
موٹرسائیکل سوار کے خلاف تھانہ ریس کورس میں ہنگامہ آرائی، تشدد اور کارسرکار میں مداخلت پر مقدمہ درج کیا گیا ہے۔
اس واقعے پر سی ٹی او لاہور عمارہ اطہر نے کہا کہ قانون ہاتھ میں لینے والوں سے سختی سے نمٹا جائے گا۔ ساتھ ہی اُنہوں نے شہریوں کو اپنی اور دوسروں کی حفاظت کیلئے ہیلمٹ پہننے کی اہمیت پر زور دیا۔
December 12, 2024
December 12, 2024
ویب ڈیسک: اقوام متحدہ کی جنرل اسمبلی میں غزہ میں فوری اور غیرمشروط جنگ بندی کے لیےقرارداد کثرت رائے سے منظور کرتے ہوئےاسرائیل اور حماس سے تمام یرغمالیوں کی رہائی کا مطالبہ کردیاگیا۔
غزہ میں جنگ بندی کی قرارداد کی منظوری کے لیے 193 میں سے 158 ووٹ پڑے،امریکا،اسرائیل اور دیگر 7 ملکوں نے قرارداد کے خلاف ووٹ دیا جبکہ 13 ارکان غیرحاضرتھے۔
دوسری طرف اسرائیل اپنی ہٹ دھرمی پر برقرار ہے اوراس نے غزہ میں جنگ نہ ختم کرنے کا اعلان کردیاہے،صیہونی وزیراعظم نیتن یاہو نے اس حوالے سے کہاہے کہ جنگ بند ہوئی تو حماس دوبارہ حملے شروع کر دے گی۔
اسرائیلی طیاروں کی بیت لاہیہ اور نصیرات کیمپ پر بمباری کے نتیجے میں مزید 29 فلسطینی شہید ہوگئے جس کے بعد غزہ میں شہادتیں 44 ہزار 787 ہوگئیں،ہسپتالوں میں ادویات اور خوراک کی بھی شدید قلت ہے،شمالی غزہ میں 3 اسرائیلی فوجی بھی مارے گئے ہیں۔
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024
12 Dec, 2024