(ویب  ڈیسک )ملک میں جاری حالیہ دہشت گردی کی لہر  اور  کالعدم تنظیموں سے مقابلے کیلئے  سی ٹی ڈی نے وزیر اعلیٰ پنجاب سے  مزید وسائل مانگ لیے ۔

 تفصیلات کے مطابق کاونٹر ٹیرر ازم  ڈیپارٹمنٹ (سی ٹی ڈی )حکام نے وزیر اعلٰی پنجاب  سے جدید گاڑیاں اور مزید اختیار مانگ لیا  ہے ، سی ٹی ڈی حکام کا کہنا ہے کہ پیکا ایکٹ 2016 کے تحت دہشت گردوں کے خلاف کارروائی کا اختیار دیا جائے ، ٹیرر فنانس کیسز کے لیے سٹیٹ بنک اور فنانشل مینجمنٹ یونٹ کا تعاون درکار ہے ۔ 

 ذرائع کے مطابق  سی ٹی ڈی حکام نے 10 بلٹ پروف ڈبل کیبن گاڑیاں  مانگی ہیں،  موبائل کالرز کی شناخت کے لیے 36 آئی ایم ایس آئی کیچرز ، 6 عدد فور جی جی ایم ایس لوکیٹرز بمعہ وہیکلز ،2 عدد وہیکلز بمعہ جیمرز  کا مطالبہ بھی سامنے آیا ہے ، سہولیات و اختیارات کا مطلوبہ اپیکس کمیٹی کے اجلاس میں کیا گیا۔