(ویب ڈیسک)شوٹنگ کے دوران اکثر اوقات شوبز سے منسلک اداکار زخمی بھی ہو جاتے ہیں،ایسی ہی خبر فضا علی سے متعلق آئی کہ وہ دوران شوٹنگ گر کر زخمی ہو گئیں، اس واقعہ سے قبل کی ویڈیو بھی منظر عام پر جس میں ان کو کار میں بھارتی گانے پر مستیاں کرتے دیکھا جاسکتا ہے۔
تفصیلات کے مطابق اداکارہ و ماڈل فضا علی کے سوشل میڈیا پر بڑی تعداد میں مداح ہیں جو اپنی ہر دلعزیز اداکارہ کی تصاویر اور ویڈیوز کا بے چینی سے انتظار کرتے ہیں، اداکارہ فضا علی بھی سوشل میڈیا پر کافی متحرک رہتی ہیں اور وقتاً فوقتاً اپنے چاہنے والوں کیلئے تصاویر اور ویڈیو انسٹاگرام پر شیئر کرتی رہتی ہیں ۔
حال میں اداکارہ کی جانب سے ایک ویڈیو شیئر کی گئی ہے جس میں وہ گاڑی میں سفر کے دوران انڈین گانے ”کب میں نے یہ سوچا تھا“پرڈانس کررہی ہیں، اداکارہ کے ویڈیو سوشل میڈیا پر ڈالتے ہی وائرل ہو گئی ، ان کے مداحوں کی جانب سے خوب تعریف کی جارہی ہے،ویڈیو کو ابتک 71 ہزار سے زائد لوگ دیکھ چکے ہیں اور کمنٹس بکس لوگوں کی تعریفوں سے بھر چکا ہے۔
View this post on Instagram
یادرہے کہ سوشل میڈیا پر خوبرو اداکارہ فضا علی کی ایک ویڈیو وائرل ہو رہی ہے جس میں فضا علی کو دیگر کاسٹ کے ہمراہ ایک خوبصورت پتھریلے مقام پر شوٹنگ میں مصروف دیکھا جا سکتا ہے لیکن فضا اچانک ہی گر گئیں جس کے بعد وہاں موجود عملہ بھاگتے ہوئے اداکارہ کے پاس پہنچا۔
کوئی انہیں پانی دینے لگا تو کہیں انھیں سہارا دے کر اٹھانے کی کوشش کرنے لگا اسی دوران دیگر عملے اور ساتھی اداکار اس قدر شدید پریشان دکھائی دیے کہ چیخ و پکار سی شروع ہو گئی کیونکہ فضا علی گرنے کے بعد شدید درد کے عالم میں ایک ہی جملہ دہراتی رہیں ''میرا سر پھٹ گیا ،میرا سر پھٹ'' گیا