ویب ڈیسک: چالاک طلبہ اسکول میں حاضری سے بچنےکے لیے اورنج جوس کی مدد سے  کورونا ٹیسٹ کا جعلی نتیجہ لینے لگے۔ ٹک ٹاک پر ویڈیوز وائرل ہونے کے بعد سوشل میڈیا سائٹ نے ساری ویڈیوز ہٹا دیں۔
برطانوی اخبار گارجین کی ایک رپورٹ کے مطابق اسکول کے برطانوی طلبا نے چھٹی لینے کے لیے ایک منفرد تجربہ کیا ہے۔ اس  طرح کا کورونا ٹیسٹ عام طور پر ایک کٹ کے ذریعے ازخود کیا جاتا ہے اور یہ 30منٹ کے بعد اپنے نتائج ظاہرکردیتا ہے۔

اس میں سلاخ پر روئی کا استعمال کرتے ہوئے منہ اورناک کے اندر سے ایک نمونہ لیا جاتا ہے۔اس کو اورنج مائع میں شامل کیا جاتا ہے اور پھر اس مائع کو ٹیسٹ پٹی پر نچوڑدیاجاتا ہے۔

Британские подростки научились подделывать ковид-тесты, чтобы не ходить в школу.

Ролики с хэштегом #fakecovidtest набрали в TikTok уже больше 6,5 млн просмотров. pic.twitter.com/mo0ciT93vC

— Северный олень (@bQh2A8NNpLa4CTp) July 4, 2021

رپورٹ کے مطابق اگرکیچپ اور کوکا کولا سمیت دیگر غذاؤں اورمشروبات کا استعمال کیا جائے تو کووِڈ کے ٹیسٹ کی صورت میں مبیّنہ طور پر یہی مثبت نتائج ظاہر ہوتے ہیں۔
دی گارجین کے مطابق اس جعلی تجربے کی ویڈیوز ٹک ٹاک ایپ پر وائرل ہوگئی تھیں۔ ان میں صارفین کو مختلف مائعات کی جانچ کرتے ہوئے دیکھا جاسکتا تھا۔ #fakecovidtest کے تحت سوشل میڈیا پلیٹ فارم پر اپ لوڈ کی گئی ویڈیوز کو 65 لاکھ سے زیادہ صارفین دیکھ چکے تھے۔ تاہم  ٹک ٹاک نے اس ہیش ٹیگ کے تحت اپ لوڈ کی گئی تمام ویڈیوز کواب ہٹا دیا ہے۔