قٖذافی بٹ: سیالکوٹ میں فردوس عاشق اعوان اور اے سی سیالکوٹ کے درمیان گرما گرمی کا معاملہ، وزیر اعلی پنجاب عثمان بزدار نے انکوائری کا حکم دے دیا۔
وزیر اعلی پنجاب عثمان بزدار نے سیالکوٹ میں معاون خصوصی اور اے سی سیالکوٹ کے درمیان ہونے والے تنازعے کی انکوائری کا حکم دے دیا ہے۔ وزیراعلی پنجاب سے معاون فردوس عاشق نے ملاقات کی۔ ذرائع کے مطابق ملاقات میں چیف سیکرٹری جواد رفیق کی موجود تھے۔ وزیر اعلی نے چیف سیکرٹری کو معاملہ کی مکمل انکوائری کے رپورٹ پیش کرنے کا حکم دیا۔ فردوس عاشق اعوان نے وزیر اعلی کو رمضان بازار کی ناقص صورتحال اور اے سی کے غیر پیشہ وارانہ رویہ سے آگاہ کیا۔
واضح رہے گزشتہ روز سماجی رابطے کی ویب سائٹ ٹوئٹر پر وائرل ایک ویڈیو وائرل ہوئی جس میں فردوس عاشق اعوان سیالکوٹ میں بازار کا دورہ کررہی ہیں اور اشیائے ضروریہ کی قیمتوں کا جائزہ بھی لے رہی ہیں۔ اس دوران فردوس عاشق اعوان نے سونیا صدف کو بازار میں سب کے سامنے ڈانٹ دیا اور کہا کہ افسر شاہی کی کارستانیاں حکومت بھگت رہی ہے، آپ اے سی ہیں تو عوام کا سامنا کریں چھپ کیوں رہی ہیں؟۔
آپکی حرکتیں ہی نہیں ہیں اے سی والی۔۔۔ آپ کوئی آسمان سے اتری ہوئی ہیں؟ رش سب کے لیے ہے، آپ وزٹ پہ آئی ہیں، جس بے غیرت نے آپکو لگایا ہے اس سے پوچھیں؟
— Shiffa Z. Yousafzai (@Shiffa_ZY) May 2, 2021
فردوس عاشق اعوان کا ایک اسسٹنٹ کمشنر پر شدید برہمی کا اظہار۔ pic.twitter.com/TdjBJCCLc3
فردوس عاشق کا کہنا تھاکہ ہر شہر کے رمضان بازار کا دورہ کیا مگر سب سے برا حال سیالکوٹ کا ہے، آپ کی حرکتیں ہی اسسٹنٹ کمشنر والی نہیں۔ڈانٹ ڈپٹ کے دوران اسسٹنٹ کمشنر سونیا صدف غصے سے پنڈال سے باہر نکل گئیں۔