تانڈہ ڈیم میں مدرسہ کے طلبا اور اساتذہ سے بھری کشتی ڈوبنے کا واقعہ ، پاک فوج کا ریسکیو اینڈ ریلیف آپریشن تاحال جاری ہے ۔
تفصیلات کے مطابق پاک فوج کے شعبہ تعلقات عامہ کی جانب سے بیان جاری کیا گیا ہے کہ تانڈہ ڈیم کوہاٹ میں پاک فوج کا ریسکیو اینڈ ریلیف آپریشن گزشتہ 72 گھنٹوں سے مسلسل جاری ہے ، تانڈہ ڈیم سے 5طلباء کو زندہ ریسکیو کیا گیا، جبکہ آرمی انجینئرز اور ایس ایس جی کے غوطہ خوروں نے 51 طلباء اور اساتذہ کی لاشیں نکال لی ہیں، ڈیم میں ڈوبنے والے ایک فرد کی تلاش جاری ہے ، ریسکیو کیے گئے 5طلباء کو ڈسٹرکٹ ہسپتال کوہاٹ منتقل کیا گیا ہے.