(فہد علی) ڈاکوؤں کی لاہور پولیس کوایک اور بڑی سلامی، مناواں کےعلاقے میں فیکٹری سےڈاکو ایک کروڑ دس لاکھ روپے لوٹ کر فرار ہو گئے۔
شہرمیں ڈاکووں کونکیل نہ ڈالی جا سکی،ایف آئی آر کے مطابق مسلح ڈاکو فیکٹری میں داخل ہوئے اور وہاں موجود سیکورٹی گارڈز کویرغمال بنا کرباندھ دیا، جس کے بعد ڈاکو بڑے آرام سے لوٹ مار کرتے رہے۔ ڈاکووں نےتجوری توڑ کر ایک کروڑ دس لاکھ روپے لوٹ لیے جبکہ جاتے ہوئے جاتے ہوئے فیکٹری ملازم کےکپڑے بھی لے گئے۔ فیکٹری مالک محمد سہیل کی درخواست پر مقدمہ تو درج کر لیا گیا ہےمگر ابھی تک پولیس ملزمان کو گرفتار نہیں کرسکی۔
دوسری جانب پولیس کا کہنا ہےکہ ملزمان کے خلاف مقدمہ درج کرکے کارروائی شروع کردی ہے، ملزمان کی گرفتاری کے لیے ٹیمیں تشکیل دی گئی ہیں، جلد انہیں گرفتار کر لیا جائے گا۔