لڑکی کے اغوا ہونے پر اہل علاقہ کا پولیس کیخلاف احتجاج

لڑکی کے اغوا ہونے پر اہل علاقہ کا پولیس کیخلاف احتجاج


حسن خالد: سیون اپ پھاٹک کے رہائشیوں کا لڑکی کے مبینہ اغوا پر پولیس کی جانب سے عدم تعاون پر احتجاجی مظاہرہ، مظاہرین نے سڑک بلاک کر کے شدید نعرے بازی کی۔

یہ بھی لازمی پڑھیں:نیوز بلیٹن 3بجے 14 نومبر2018  

تفصیلات کے مطابق گلبرگ سیون اپ پھاٹک پر احتجاجی مظاہرہ کرتے ہوئے مظاہرین کا کہنا تھا کہ چار روز قبل صائمہ گھر سے نکلی مگر واپس نہ آئی، صائمہ کے مبینہ اغوا پر لواحقین کی جانب سے تھانہ شمالی چھاؤنی پولیس کو اطلاع دی گئی مگر پولیس نے تعاون کرنے کی بجائے الٹا دھمکیاں دینا شروع کردیں۔

پولیس کے عدم تعاون پر صائمہ کے لواحقین اور اہل علاقہ نے ٹائر نظر آتش کر کے شدید احتجاجی مظاہرہ کیا اور سڑک دونوں اطراف سے بلاک کر دی، سڑک بند ہونے کی وجہ سے ٹریفک بدترین جام رہی، بعد ازاں پولیس نے موقع پر پہنچ کر لواحقین کو انصاف کی یقین دہانی دلائی جس پر مظاہرین نے اپنا احتجاج ختم کردیا۔