(ویب ڈیسک)وزیر خزانہ مفتاح اسماعیل کاکہنا ہے کہ عمران خان اقتدارمیں آئے تو ڈالر 122 ، ملکی قرض 25 ہزارارب تھا، عمران خان گئے توڈالر 190روپے، ملکی قرض 44 ہزار ارب تھا۔

تفصیلات کےمطابق وزیر خزانہ مفتاح اسماعیل نے کہاکہ عمران خان کے آخری سال پاکستان نے 80ارب ڈالرکی اشیادرآمد کیں،یہ پاکستان کی تاریخ کا سب سے بڑا تجارتی خسارہ تھا، مفتاح اسماعیل کاکہناتھا کہ 4سالہ حکومت میں عمران خان نے پہلے سے زیادہ تجارتی خسارہ بڑھایا۔

 انہوں نے الزام عائد کرتے ہوئے کہاکہ عمران خان نے اپنے دوستوں کو ٹیکس معافی دی، عمران خان نے آنیوالی حکومت کے لئےایندھن پرسبسڈی کاجال بچھایا، عمران خان پاکستان کودیوالیہ ہونے کی طرف لے گئے،ہم نے سیاسی قیمت چکائی لیکن ملک کو بچایا،پاکستان کوڈیفالٹ ہونے سے بچایا اس پرفخرہے۔

وزیر خزانہ نے کہاکہ ہم جانتے ہیں اصل چور کون ہے،توشہ خانہ سے لےکرغیرملکی فنڈنگ تک ہم جانتے ہیں اصل چورکون ہے ،ان کاکہناتھا کہ ہم جانتے ہیں کون کرپٹ، جھوٹا اور نااہل ہے۔

4. From Toshakhana watches to foreign funding to giving confiscated £190 mil back to demanding jewellery to Farah Khan wielding power & taking bribes, we know who is the real thief. We know who is corrupt, untruthful & incompetent. IK and IK alone is responsible for this mess.

— Miftah Ismail (@MiftahIsmail) July 30, 2022