(مانیٹرنگ ڈیسک) خیبرپختونخوا حکومت نے سیلاب زدگان کی فوری شکایت اور فوری ریلیف کیلئے فلڈ رپورٹنگ موبائل ایپ تیا رکرلی۔
فلڈ رپورٹنگ موبائل ایپلی کیشن صوبائی وزیر سائنس وانفارمیشن ٹیکنالوجی عاطف خان کی خصوصی ہدایت پر ہنگامی بنیادوں پر تیار کی گئی ہے، جس کے ذریعے سیلاب زدگان دوائی یا خوراک جیسی ضروری مدد سے متعلق رپورٹ کر سکیں گے۔
صوبائی وزیر عاطف خان نے بتایا کہ ایپ کے ذریعے اطلاع ملتے ہی متعلقہ ضلعی و تحصیل انتظامیہ اور پراونشل ڈیزاسٹر مینجمنٹ اتھارٹی ( پی ڈی ایم اے) اُسی وقت متاثرہ علاقے اور متاثرین میں فوری ریلیف کی فراہمی کے لیے اقدامات کرے گی۔
حکومت خیبرپختونخوا کا سیلاب زدگان کی فوری شکایت اور فوری ریلیف کیلئے فلڈ رپورٹنگ ایپ تیار
— PTI Khyber Pakhtunkhwa (@PTIKPOfficial) August 29, 2022
" فلڈ رپورٹنگ ایپ" صوبائی وزیر سائنس وانفارمیشن ٹیکنالوجی عاطف خان کی خصوصی ھدایات پر ہنگامی بنیادوں پر تیار کیا گیا.
ایپ لنک: https://t.co/GsrEw9qonv#KPFloodReliefOperations pic.twitter.com/1Mn405wT0v
انہوں نے کہا کہ ایپلی کیشن میں متاثرین تک ریلیف پہنچنے اور فیڈبیک کی نگرانی کا پورا نظام بنایا گیا ہے، موبائل ایپ کے ذریعے عوام حادثات کی نوعیت اور درکار مدد کی فوری رپورٹنگ کر سکیں گے۔