ویب ڈیسک: جاپان نے اپنی معیشت کی بحالی کے لئے کورونا وبا کی وجہ سے عائد کردہ تمام پابندیاں اٹھانے کا اعلان کردیا۔
رپورٹ کے مطابق جاپانی وزیراعظم یوشی ہائدی سوگا نے کہا ہے کہ جمعرات سے معمولات زندگی بحال کرنے کےلئے کورونا وائرس کے باعث لگائی گئی تمام پابندیاں بتدریج اٹھا لی جائیں گی۔ انہوں نےکہا کہ حکومت کووڈ 19 کے علاج کےلئے مزید مراکز صحت قائم کرے گی جبکہ ویکسینیشن میں بھی تیزی لائی جائے گی۔اسی طرح ویکسین پاسپورٹ اور مزید وائرس ٹیسٹ متعارف کرائے جائیں گے۔
緊急事態宣言、まん延防止等重点措置を9月30日で全て解除し、飲食等の制限の段階的緩和を決定しました。
— 菅 義偉 (@sugawitter) September 28, 2021
ワクチン接種と中和抗体薬の投与が進み、一定の感染が生じても安定的な医療提供ができつつあります。
今後、ウイルスの存在を前提に、感染対策と日常生活の両立のため、次の三つに取組みます。 pic.twitter.com/vhBE7XpvVo
یادرہے جاپان نے چھ ماہ قبل بھارتی ڈیلٹا ویرئنٹ آنے کے بعد دوبارہ ملک بھر میں ایمرجنسی نافذکردی تھی اور یستوران، بارز مکمل طور پر بند تھے۔ جاپان میں کووڈ 19 کے 1.69 ملین کیسز ریکارڈ کئے گئے تھے جبکہ 17 ہزار 500 ہلاکتیں ہوچکی ہیں۔
حکومتی مشیر صحت ڈاکٹرشیگی روامی نے میڈیا سے گفتگو کرتے ہوئے کہا ہے کہ ایمرجنسی اٹھانے کا مطلب سو فیصد آزادی نہیں۔ حکومتی پیغام واضح ہے ہم آہستہ آہستہ پابندیاں اٹھائیں گے۔
واضح رہے ٹوکیو اولمپکس کے بعد کورونا کیسز میں اضافہ ہوا تھا اورٹوکیو شہر میں روزانہ کے 5 ہزار کیس ریکارڈ کئے گئے تھے۔