(ویب ڈیسک) الیکشن کمیشن نے این اے 45 کرم میں ضمنی انتخاب میں ضابطہ اخلاق کی بار بار خلاف ورزی پر عمران خان کو نوٹس جاری کر کے یکم نومبر کو طلب کر لیا۔

  کمیشن نے وزیر آباد کاری خیبرپختونخوا کو بھی نوٹس جاری کر کے یکم نومبر کو طلب کرلیا۔ الیکشن کمیشن کے مطابق صوبائی وزیر انتخابی مہم میں سرکاری وسائل استعمال کر رہے ہیں۔

 دوسری جانب لاہور کی تاجر تنظیموں کی اکثریت نے لانگ مارچ سے لاتعلقی کا اعلان کردیا۔تفصیلات کے مطابق انجمن تاجران خالد پرویز،مجاہد مقصودبٹ،نعیم میر،اشرف بھٹی گروپس اور قومی تاجر اتحاد نے لاتعلقی ظاہرکردی، پاکستان تحریک انصاف نے لاہور سے لانگ مارچ کا آغاز کردیا ہےتاہم شہر کی تاجر تنظیموں کی اکثریت کی جانب سے لانگ مارچ سے لاتعلقی کا اعلان سامنے آیا ہے۔