ویب ڈیسک: سینیٹ نے اسٹیٹ بینک ترمیمی بل منظور کر لیا، بل کے حق میں 43 اور مخالفت میں 42 ووٹ آئے۔
اے این پی کے عمر فاروق کانسی بل کی منظوری کے وقت ایوان سے نکل گئے، اپوزیشن کے دلاور خان نے حکومت کو ووٹ دیا، پی ٹی آئی کی ڈاکٹر زرقہ طبیعت خرابی کے باعث ایوان میں آکسیجن سلینڈر کےساتھ آئیں۔
سٹیٹ بینک ترمیمی بل اپوزیشن کی عدم دلچسپی کےباعث بآسانی سینٹ سےپاس،حکومتی رکن زرقہ تیمورعلالت کےباجوداجلاس میں شریک جبکہ بل کےبڑےمخالفین اپوزیشن لیڈر یوسف رضا گیلانی سمیت اپوزیشن کے 8 ممبران غیر حاضر رہے، قوم کو نوید ہوکہ حکومت اور اپوزیشن نے ملکر ان کو آئی ایم ایف کے حوالےکردیا pic.twitter.com/NEphS2WxKA
— Usman Khan (@IUsmanKhan786) January 28, 2022
بل کی منظوری پر ایوان میں اپوزیشن کے نعرے، ایجنڈے کی کاپیاں پھاڑ دیں۔وزیر منصوبہ بندی اسدعمرنے ایوان بالا میں تحریک انصاف کے اراکین کو مبارکباد دی اور کہاکہ قومی مفاد کی نگہبانی کے علاوہ پاکستان میں سیاست کا دوسرا کوئی راستہ اب باقی نہیں۔
وفاقی وزیر کاکہنا تھا کہ سیاسی مداخلت کے متعارف کردہ کلچر نے ریاستی و حکومتی اداروں کی قوت کو تباہ کیا، ایوانِ بالاکی آج کی کارروائی کے بعد حزب مخالف ’’ان ہاؤس‘‘اور ’’آؤٹ ڈور‘‘ شرارتیں ترک کرے۔اس سے قبل وزیرخزانہ شوکت ترین کے ایوان میں آنے پر حکومتی ارکان نے ڈیسک بجا ئے۔