(عمران یونس) پیمرا نے پنجاب فوڈ اتھارٹی کو ایف ایم ریڈیو اسٹیشن قائم کرنے کی اجازت دے دی، فوڈ اتھارٹی فروری سے ریڈیو نشریات شروع کرے گا۔
پنجاب فوڈ اتھارٹی کی عوامی آگاہی مہم نئے مرحلے میں داخل ہونے کو تیار ہے، پیمرا کی جانب سے فوڈ اتھارٹی کو باقاعدہ ریڈیو لائسنس جاری کردیا گیا ہے۔ ڈی جی فوڈ اتھارٹی کیپٹن (ر) محمدعثمان کے مطابق فوڈ اتھارٹی ابتدائی مرحلہ میں لاہور میں ایف ایم ریڈیو اسٹیشن قائم کرے گی، جو آئندہ سال فروری میں اپنی نشریات شروع کر دے گا۔
دوسرے مرحلے میں ریڈیو اسٹیشن پنجاب بھر میں ڈویژن کی سطح پر لگائے جائیں گے، فوڈ اتھارٹی کی جانب سے ایف ایم ریڈیو کے لیے 16 ملین کا بجٹ مختص کیا جا چکا ہے۔ پنجاب فوڈ اتھارٹی کے سابقہ بورڈ نے 26ویں میٹنگ میں ایف ایم ریڈیو پراجیکٹ کی منظوری دی تھی۔
ڈی جی فوڈ اتھارٹی ایف ایم ریڈیو اسٹیشن پرغذائیت سے متعلق اہم معلومات اور غذائی مسائل سے متعلق مشاورت فراہم کریں گے۔