ویب ڈیسک: بالی وڈ کے سینیئر اداکار انوپم کھیر نے پاکستانی بچوں کو بھارتی بچے سمجھ کر ان کی ویڈیو شیئر کرنے کی اپنی غلطی کو تسلیم کرلیا۔
भारत के किसी गाँव में कुछ बच्चो ने मिलकर अपना एक बैंड तैयार किया है।इस बैंड के पास कोई आधुनिक साज़ो सामान नहीं है।और इन्होंने धुन भी क्या चुनी है! मिलिट्री बैंड की।क्योंकि ये जानते हैं कि “असली पावर दिल में होती है!!” इन बच्चों की जय हो।किधर हैं ये बच्चे? ???????????????? @Bengaluruhudugi pic.twitter.com/e6TjweFRwJ
— Anupam Kher (@AnupamPKher) August 18, 2021
تفصیلات کے مطابق سینیئر بالی ووڈ اداکار انوپم کھیر نے 18 اگست کو ٹین ڈبوں کے ساتھ جنگل میں موسیقی بجاتے بچوں کی ویڈیو ٹوئٹ کرتے ہوئے ہندی میں لکھا کہ مذکورہ بچوں کا تعلق بھارت سے ہے۔ اداکار کی جانب سے ویڈیو شیئر کیے جانے کے بعد گلوکار شہزاد رائے نے 27 اگست کو ان کی ٹوئٹ پر جواب دیتے ہوئے انوپم کھیر کو بتایا کہ ویڈیو میں پرفارم کرنےوالے بھارتی نہیں پاکستانی بچے ہیں۔
Sir @AnupamPKher Thanks for sharing the video I shared a few days back. You say that these talented kids are from Bharat, a humble correction, these kids are in fact from Hunza, Pakistan. I am in touch with them and have sent them all the musical instruments they need. https://t.co/KBxzEIFBvV
— Shehzad Roy (@ShehzadRoy) August 27, 2021
گلوکار شہزاد رائے نے انوپم کھیر کی ویڈیو کو شیئر کرتے ہوئے انہیں بتایا کہ مذکورہ ویڈیو کو چند دن قبل انہوں نے ہی شیئر کیا تھا اور پرفارم کرنے والے بچوں کا تعلق پاکستان کے علاقے ہنزہ سے ہے۔ شہزاد رائے نے انوپم کھیر سے مخاطب ہوتے ہوئے انہیں بتایا کہ وہ بچوں کو موسیقی کے آلات بھجوا رہے ہیں۔ شہزاد رائے کی جانب سے نشاندہی کیےجانے کے بعد انوپم کھیر نے غلطی تسلیم کرتے ہوئے ٹوئٹ کی کہ انہوں نے تصحیح کرلی۔
Dear @ShehzadRoy ! I stand corrected my friend. I loved the video. Keep up the great work you are doing with these kids!! Love and prayers always!! ???? https://t.co/bQ3IChURAS
— Anupam Kher (@AnupamPKher) August 27, 2021
انوپم کھیر نے شہزاد رائے کو مینشن کرتے ہوئے ان کی تعریف کی اور لکھا کہ انہیں مذکورہ ویڈیو بہت پسند آئی اور وہ بچوں کے لیے دعاگو ہیں۔انوپم کھیر کی جانب سے غلطی کا اعتراف کیے جانے کےبعد شہزاد رائے نے ایک اور ٹوئٹ میں بالی وڈ اداکار کی تعریف کی اور خود کو ان کا مداح قرار دیا۔شہزاد رائے نے بالی وڈ اداکار کو بتایا کہ وہ مذکورہ بچوں سے متعلق انہیں باخبر کرتے رہیں گے۔
Sir @AnupamPKher Thank you. I am your fan and love the work you do. I will keep you updated about these lovely group of kids and their music. https://t.co/wOKh6O40Dj
— Shehzad Roy (@ShehzadRoy) August 27, 2021
خیال رہے کہ مذکورہ ویڈیو کو ابتدائی طور پر رواں ماہ 11 اگست کو شہزاد رائے نے انسٹاگرام اور ٹوئٹر پر شیئر کرتے ہوئے مداحوں سے اپیل کی تھی کہ پرفارم کرنے والے بچوں کی تلاش میں ان کا ساتھ دیا جائے۔شہزاد رائے نے سوشل میڈیا پر وائرل ہونے کے بعد مذکورہ ویڈیو کو شیئر کرتے ہوئے لکھا تھا کہ وہ تمام بچوں کو موسیقی کے آلات بھجوائیں گے۔
Please somebody tell me where are these kids and I’ll give them all the instruments they need ???? pic.twitter.com/e4Tq24KFMR
— Shehzad Roy (@ShehzadRoy) August 11, 2021
گلوکار کی جانب سے ویڈیو شیئر کیے جانے کے ایک ہفتے بعد انوپم کھیر نے مذکورہ ویڈیو کو ٹوئٹ کرتے ہوئے انہیں بھارتی بچے قرار دیا تھا۔