پنجاب ووکیشنل ٹریننگ کے ملازمین کیلئے عدالت سے بڑی خوشخبری آگئی

12:03 PM, 28 Aug, 2018

Sughra Afzal

(ملک اشرف) لاہور ہائیکورٹ نے پنجاب ووکیشنل ٹریننگ کے ڈیلی ویجز ملازمین کی برطرفی تاحکم ثانی روکتے ہوئے پنجاب حکومت اور دیگر کو نوٹس جاری کردیا۔

یہ بھی لازمی پڑھیں:نیوز بلیٹن 3بجے 14 نومبر2018  

تفصیلات کے مطابق جسٹس علی اکبر قریشی نے وسیم غلام رسول اور دیگر کی درخواست پر سماعت کی، درخواستگزاروں کی جانب سے ایڈووکیٹ چودھری فرمان مہنیس پیش ہوئے، درخواست گزاروں کے وکیل نے پنجاب حکومت سمیت دیگر کو فریق بناتے ہوئے موقف اختیار کیا کہ میرے موکل عرصہ دراز سے پنجاب ووکیشنل میں ڈیلی ویجز ملازمین کی حیثیت سے کام کر رہے ہیں۔ سابقہ حکومت کے مستقل کرنے پر انہوں نے مستقلی کیلئے لاہور ہائیکورٹ سے رجوع کر رکھا ہے، عدالت میں کیس زیر سماعت ہے لیکن اس دوران نگران حکومت نے بغیر نوٹس برطرف کر دیا۔

درخواست گزاروں کے وکیل نے استدعا کی کہ عدالت پنجاب ووکیشنل ٹریننگ کے ڈیلی ویجز ملازمین کو بحال کرنے کا حکم دے۔

عدالت نے درخواست پر ابتدائی سماعت کے بعد  پنجاب حکومت اور دیگر کو نوٹس جاری کرتےہوئے23 اکتوبر کو جواب طلب کرلیا۔

مزیدخبریں