ویب ڈیسک: ریاض سیزن میں بالی ووڈ سٹار سلمان خان 10 دسمبر کو اپنے فن کا مظاہرہ کریں گے، اس کے ٹکٹ جلد جاری کیے جائیں گے۔
رپورٹ کے مطابق بالی ووڈ سٹار سلمان خان کا شمار مقبول اداکاروں میں ہوتا ہے۔شائقین انہیں ’سلمان بھائی‘ کہتے ہیں اور یہ اعزاز انڈیا کے کسی اور اداکار کو حاصل نہیں ہے۔ 55 سالہ بالی وڈ سٹار نے فلمی کیریئر کا آغاز 1988 میں کیا تھا، وہ اب تک 107 فلموں میں کام کر چکے ہیں۔
ان میں باڈی گارڈ، دبنگ اور ایک تھا ٹائیگر ان کی مقبول فلموں میں شامل ہیں۔
سعودی محکمہ تفریحات نے کہا ہے کہ ریاض سیزن میں 7500 پروگرام ہو رہے ہیں۔ ان میں 70عرب کنسٹرٹ 6 انٹنیشنل کنٹسرٹ انٹرنیشنل شوز اور 350 تھیٹر شامل ہیں۔
Da-Bangg the tour in #Riyadh for the Riyadh season. Excited to see u all there on Dec 10…. @Turki_alalshikh @RiyadhSeason @theJAEvents @patel_jordy #AdilJagmagia @SohailKhan @TheShilpaShetty @Asli_Jacqueline @PDdancing @saieemmanjrekar @GuruOfficial #AayushSharma https://t.co/v7mmPI6Mmv
— Salman Khan (@BeingSalmanKhan) November 26, 2021
محکمہ تفریحات کے سربراہ ترکی آل شیخ نے بھی اپنے ٹوئٹر اکاونٹ پرریاض سیزن میں بالی وڈ اداکار سلمان خان کے پروگرام کے حوالے سے ٹویٹ کی ہے۔
یاد رہے سلمان خان کو سعودی شائقین میں بھی مقبولیت حاصل ہے اس سے قبل وہ 2019 مارچ میں سعودی فلم فیسٹول میں شرکت کے لئے سعودی عرب آئے تھے اور اپنے اس دورہ کے دوران انہوں نے عمرہ بھی ادا کیا تھا۔