ویب ڈیسک: پاکستان مسلم لیگ (ن) کے سینئیر رہنما وزیرِ دفاع خواجہ آصف نے سشمتا سین کو عمران خان کا زنانہ ایڈیشن قرار دے دیا ہے۔
خواجہ آصف نے انڈین کامیڈی پروگرام دی کپل شرما شو کی ایک ویڈیو شئیر کی، جس میں سابق مِس یونیورس کو رومانوی گفتگو کرتے دیکھا جاسکتا ہے۔
سشمتا سین نے شو میں شریک ایک پرستار سے رومانوی انداز میں مکالہ کرتے ہوئے کہا کہ کائنات کی ساری خوشیاں آپ کی طرف موڑ دوں، آپ کہیں تو چاند سورج کو بھی توڑ لوں، اتنا بس ہے میری جان یا دو تین جھوٹ اور بول دوں؟
خواجہ آصف کی جانب سے اس ویڈیو کو شئیر کئے جانے کے بعد سوشل میڈیا صارفین نے نتیجہ اخذ کیا کہ وزیرِ دفاع نے سابق وزیراعظم کو ان کی وعدہ خلافیوں پر تنقید کا نشانہ بنانے کی کوشش کی ہے۔
عمران خان کا زنانہ ایڈیشن pic.twitter.com/8GnDeiqB02
— Khawaja M. Asif (@KhawajaMAsif) May 26, 2022
خیال رہے کہ عمران خان نے حکومت سنبھالنے سے قبل عوام سے کئی وعدے کئے تھے جن میں ایک کروڑ نوکریاں، 50 لاکھ گھر اور نہ جانے کیا کچھ شامل تھا۔ لیکن سیاست دان کا وہ وعدہ ہی کیا جو وفا ہو جائے۔
خواجہ آصف کے اس ٹویٹ پر ٹویپس ملے جلے ردعمل کا اظہار کر رہے ہیں، لیکن میں زیادہ تر تعداد تحریک انصاف کے حامیوں کی ہے جو خواجہ آصف کو ہی تنقید کا نشانہ بنا رہے ہیں۔