سٹی42: ترکی کے ایک نیوز چینل نے امریکہ کی ایک کافی کمپنی کے برانڈ نام کی نیوز بلیٹن کے دوران نمائش کرنے کے الزام میں ایک نیوز اینکر اور ڈائریکٹر کو نوکری سے نکال دیا۔
کافی فروخت کرنے والی اس کمپنی کو آج کل سرائیل اور حماس کی غزہ میں جاری جنگ کے حوالے سے بائیکاٹ کا سامنا ہے۔
ترکی کے ایک نیوز چینل TGRT کی انتظامیہ نے سٹار بکس کافی برانڈ کے کپ کی نیوز بلیٹن کے دوران نمائش کرنے پر اپنی نیوز اینکر میلٹم گنائےاور نیوز ڈائریکٹر کو برطرف کر دیا، بعد ازاں اس نیوز چینل نےاپنے سوشل میڈیا اکانٹ پر کہاکہ ہمارا ادارہ غزہ کے حوالے سے ترک عوام کی حساسیت کو جانتا ہے اور آخر تک ان کا دفاع کرے گا، اس پالیسی کی خلاف ورزی کو قبول کرنا ناممکن ہے۔ ترکی میں حکومت غزہ پر اسرائیل کے حملوں کی سرگرمی سے مخالفت کر رہی ہے جبکہ بہت سے عوام غزہ میں جاری جنگ میں حماس کی سرگرمی سے حمایت کر رہے ہیں لیکن بہت سے لوگ حماس کے سخت مخالف بھی ہیں۔