(سٹی42)کورونا ایس او پیز پر عمل درآمد کیلئے سخت اقدامات کا آغاز کردیاگیا، آج سے تمام کاروبار شام 6 بجے مکمل بند ہوں گے، کمشنر لاہور محمد عثمان نے دوٹوک بتادیا۔
تفصیلات کے مطابق کورونا کے بڑھتے وار روکنے کے لئےکمشنر لاہور میدان میں آ گئے،کاروبار ہر صورت شام 6 بجے بند ہو گا،کسی کو رعایت نہیں ملے گی ،کمشنر لاہور محمد عثمان نے دوٹوک بتادیا،اپنے ٹویٹ میں کہا کہ میڈیکل سٹورز، پٹرول پمپس اور ویکسینیشن سنٹرز کے علاوہ کسی کو استشنی حاصل نہیں۔
آج سے تمام کاروبار شام 6 بجے مکمل بند ہوں گے۔میڈیکل سٹور،پٹرول پمپ اور ویکسی نیشن سنٹرز کے علاوہ کسی کو کوئی استثناء حاصل نہیں،پاک آرمی، رینجرز اور پولیس سمیت تمام قانون نافذ کرنے والے ادارے فیلڈ میں ہوں گے۔احتیاط کریں، شرمندگی سے بچیں، زندگیاں بچائیں۔#Lahore #COVID-19 #StayHome
— Muhammad Usman Younis (@CaptainUsman) April 27, 2021
پاک فوج، رینجرز اور پولیس کے دستوں نے شہر کی اہم شاہراہوں پر فلیگ مارچ کیا۔ کمشنر لاہور، سی سی پی او لاہور کی قیادت میں مال روڈ، نیلا گنبد اوردیگر مقامات کا جائزہ لیا گیا،شہریوں سے کہا گیا کہ وہ اپنی اور اپنے پیاروں کی حفاظت کے لئےایس او پیز کی پابندی کریں۔
مزید پڑھئے: کمشنرلاہور نے شہریوں کو خبردار کردیا
فلیگ مارچ انتہائی اہم مواقعوں پر کیے جاتے ہیں،آج شہر میں قانون نافذ کرنے والے اداروں کا مارچ اس لیے تھا کہ ہم کورونا وائرس کو سنجیدہ لیں،احتیاط کریں،بروقت کاروبار بند کریں،سماجی فاصلہ رکھیں،انسانی زندگی ہر چیز سے قیمتی ہے۔#Lahore #COVID-19 #StayHome pic.twitter.com/FiXF5kaGRK
— Muhammad Usman Younis (@CaptainUsman) April 27, 2021
ڈی سی لاہور نے بھی آرمی، رینجرز اور پولیس کے ہمراہ شہر کی مختلف مارکیٹس کا دورہ کیا، کمرشل ایریاز کی چیکنگ کی گئی،ایس او پیز کی خلاف ورزی پر ایکشن بھی لیا گیا۔