( ویب ڈیسک )وفاقی وزیر مذہبی امور نورالحق قادری نے عمرہ کے خواہمشند افراد کو خوشخبری سناتے ہوئے کہا ہے کہ آئندہ 3 ، 2 ہفتے میں پاکستانی عازمین کیلئے بھی پابندیاں ختم ہو جائیں گی۔
پشاور میں حاجی کیمپ فیز7میں نئے رہائشی بلاک کے افتتاح کے موقع وفاقی وزیرمذہبی برائے مذہبی امور نے کہا کہ حجاج کرام کی خدمت کیلئے نئی بلڈنگ قائم کردی گئی جہاں تمام سہولت مہیاکی جائےگی۔
وفاقی وزیر نے کہا کہ حجاج کرام کےتربیتی نظام اورکلاسز کیلئےیہاں بندوبست کیاجائےگا ایک ہی چھت تلے دستاویزات کی جانچ،ویکسی نیشن بھی کی جاسکےگی۔ عمرہ، حج سےمتعلق کوئی اضافی خرچہ وصول نہیں کیا جا رہا ہے دنیا بھر میں حج اور عمرےکی قیمتوں میں اضافہ ہوا ہے ایئرلائنز کے ٹکٹ مہنگےہونےسےحج، عمرےپیکیج میں اضافہ ہوا۔