جوہر ٹاؤن (درنایاب) ایل ڈی اے نے اللہ ہو گول چکر ختم کرکے خیابان فردوسی مین روڈ کو ٹریفک کیلئے تجرباتی طور پر کھول دیا۔
آگاہی سائن بورڈ نہ لگنے سے شہریوں کو مشکلات کا سامنا ،ایل ڈی اے کی جانب سے اللہ ہو گول چکر پر عارضی کنکریٹ بلاکس رکھ کر ٹریفک کو چلایا جارہا ہے، شوق چوک سے شادیوال کی جانب ٹریفک کو اللہ ہوگول چکر کی طرف نئی سڑک سے گزارا جارہا ہے، تجرباتی بنیادوں پر چلایا گیا ٹریفک نظام کامیاب ہونے کے بعد مستقل بنیاد پر یوٹرن بنائے جائیں گے، ایل ڈی اے نے اللہ ہو گول چکر کے دونوں اطراف جدید یوٹرن ڈیزائن کررکھے ہیں، ان یوٹرنز پر بھی ٹریفک کو تجرباتی بنیادوں پر چلایا جارہا ہے۔
چیف انجینئر ایل ڈی اے ون اسرار سعید نے کہاکہ تجرباتی طور پر ٹریفک چلانے کے دوران جو مشکلات ہوں گی ان پر نظر رکھی جائے گی، شہریوں کی آگاہی کیلئے بورڈز لگوانے کی ہدایت بھی کردی گئی ہے۔