(ویب ڈیسک) دنیا بھر میں دلچسپ و عجیب و غریب واقعات پیش آتے رہتے ہیں  ایسا ہی واقعہ بھارت میں پیش آیا جہاں پہلی جماعت کا طالب علم پنسل چوری کی شکایت لے کر تھانے پہنچ گیا۔

تفصیلات کے مطابق آندھرا پردیش کے کرنول ضلع میں پولیس اہلکار اس وقت حیرت میں مبتلا ہو گئے جب بچوں کا ایک گروپ اپنے ہم جماعت کے خلاف شکایت درج کرانے کے لیے تھانے پہنچا۔

 پہلی جماعت کا بچہ تھانے میں جاتا ہے اور اپنی پنسل چوری شکایت لکھواتا ہے اور پولیس والوں سے ان کا "پنسل کا مسئلہ" حل کرنے کے لیے کہتاہے۔

 بچے نے پولیس میں شکایت درج کرائی کہ ایک لڑکے نے اس کی پنسل لی ہے اور مانگنے پر بھی اسے واپس نہیں کررہا ۔جب پولیس والے بچے سے پوچھتے ہیں کہ وہ اس صورت حال میں کیا کر سکتے ہیں؟ توبچہ کہتا ہے کہ لڑکے کے خلاف فی الفور مقدمہ درج کیا جانا چاہیے۔ اس دوران، بچے کے چند دوست بھی موجود ہوتے ہیں۔

Even Primary School Children trust #APPolice:
There is a paradigm shift in the attitude,behaviour&sensitivity of AP Police in way of giving confidence& reassurance to the people of #AP
AP Police stays as No1 in #SMARTPolicing in the country in @IPF_ORG Survey 2021 only testifies pic.twitter.com/Zs7CQoqqOI

— Andhra Pradesh Police (@APPOLICE100) November 25, 2021

آخر میں دونوں بچوں کو سمجھوتہ کرنے کے بعد مصافحہ کرتے اور مسکراتے ہوئے دیکھا جا سکتا ہے۔اس واقعے کی ویڈیو سوشل میڈیا پر وائرل ہو رہی ہے اور صارفین ویڈیو دیکھ کر حیرت اور ملے جلے تاثرات کا اظہار کر رہے ہیں۔