(علی رامے) باب پاکستان پراجیکٹ پر ایک بار پھر کام شروع ہونے کی امید پیدا ہو گئی ہے۔ منصوبے کا سوا چار ارب روپے کا ترمیمی پی سی ون حتمی منظوری کیلئے محکمہ ہاﺅسنگ کو ارسال کردیا گیا۔
پی ایچ اے کی جانب سے باب پاکستان منصوبے کی منظوری لینے کے بعد محکمہ ہاﺅسنگ نے چند اعتراضات لگائے تھے جس پر پی ایچ اے حکام کو منصوبے میں مزید ترامیم کرنا پڑیں۔ذرائع نے بتایا ہے کہ باب پاکستان کی تعمیر کے لیے پراجیکٹ مینجمنٹ یونٹ بنایا جائے گا جس کے لیے پراجیکٹ ڈائریکٹر اور ٹیم کی تنخواہیں مارکیٹ ریٹ کے مطابق ہوں گی۔
محکمہ ہاﺅسنگ کی طرف سے ترمیم شدہ پی سی ون کی حتمی منظوری کے بعد منصوبے پر جلد کام شروع کر دیا جائے گا۔ منصوبے میں سپورٹس کمپلیکس اور دیگر سہولیات موجود ہوں گی۔