(حافظ شہباز علی)ایشین ہاکی فیڈریشن نے ایشیا کپ ہاکی ٹورنامنٹ کے شیڈول کا اعلان کردیا۔

ایشیا کپ 23 مئی سے یکم جون تک انڈونیشیا جکارتہ میں کھیلا جائے گا،ایونٹ میں شریک آٹھ ٹیموں کو دو گروپس میں تقسیم کیا گیا ہے۔پول اے میں پاکستان، بھارت ، جاپان اور انڈونیشیا شامل ہیں، پول بی میں ملائشیا ،کوریا، عمان اور بنگلہ دیش کی ٹیمیں  شامل ہیں۔

قومی ہاکی ٹیم اپنا پہلا میچ 23 مئی کو بھارت کے خلاف کھیلے گی ،پاکستانی ٹیم 24 مئی کو انڈونیشیا اور 26 مئی جاپان کے مد مقابل آئے گی۔ایونٹ کی چار ٹاپ ٹیمیں ورلڈکپ کے لیے کوالیفائی کریں گی۔