مال روڈ (حافظ شہبازعلی) کوئٹہ گلیڈی ایٹرز کے فاسٹ باؤلر نسیم شاہ پروٹوکولز کی خلاف ورزی کرنے پرپی ایس ایل کے چھٹے ایڈیشن سے باہر ہوگئے۔

ذرائع کے مطابق پاکستان سپر لیگ سکس کے بقیہ میچز کے لیے بنائے گئے کوویڈ 19 پروٹوکولز کے تحت کراچی اور لاہور سے چارٹرڈ فلائیٹ کے ذریعے ابوظہبی روانہ ہونے والے تمام مسافروں کو 24 مئی کو لاہور اور کراچی کے ٹیم ہوٹلز میں داخل ہوتے وقت زیادہ سے زیادہ 48 گھنٹے قبل دیئے گئے اپنے کوویڈ   19 ٹیسٹ کی رپورٹ جمع کروانا تھی، تاہم نسیم شاہ نے اس موقع پر اپنے 18 مئی کو کیے گئے کوویڈ 19 ٹیسٹ کی رپورٹ جمع کروائی، پرانی رپورٹ جمع کروانے پر انہیں  ہوٹل کی علیحدہ منزل پر آئسولیشن میں رکھا گیا، جس کے بعد تین رکنی انڈیپنڈنٹ میڈیکل ایڈوائزری پینل برائے پی ایس ایل  کی سفارشات پر انہیں ریلیز کرنے کا فیصلہ کیا گیا۔

امیں نے بہت محنت کی اور پPSL کے لئے پرجوش تھا- میں گروپ کے تمام میسجز دیکھ کر ہدایات پوری کرتا ہوں۔ پتہ نہیں کہ اس میسج کو کیسے مس کر گیا۔ میں کرکٹ کھیلنا چاہتا ہوں کرکٹ میری زندگی ہے اور میں بیان نہیں کر سکتا کہ کیسا محسوس کر رہا ہوں۔ اللہ مجھے مضبوط بنائے گا اور میں واپس آؤں گا pic.twitter.com/SfqGBsvmUf

— Naseem Shah (@iNaseemShah) May 24, 2021

پی ایس ایل سے باہر ہونے پر سماجی رابطے کی ویب سائٹ ٹویٹر پر ٹویٹ کرتے ہوئے نسیم شاہ نے کہا کہ ’کاش ماں ہوتی،میں اپنے غم اسے بتاتا،وہ کہتی تو کیوں پریشان ہوتا ہے، میں ہوں نہ۔میں نے بہت محنت کی اور پی ایس ایل کے لئے پرجوش تھا، میں گروپ کے تمام میسجز دیکھ کر ہدایات پوری کرتا ہوں۔ پتہ نہیں کہ اس میسج کو کیسے مس کر گیا، میں کرکٹ کھیلنا چاہتا ہوں کرکٹ میری زندگی ہے اور میں بیان نہیں کر سکتا کہ کیسا محسوس کر رہا ہوں، اللہ مجھے مضبوط بنائے گا اور میں واپس آؤں گا۔‘