آزاد نہڑیو: سندھ پولیس نے پاکستان پیپلز پارٹی اور پی ٹی آئی  کے دس رہنمائوں سے پولیس سیکورٹی واپس لے لی۔ 

تفصیلات کے مطابق سابق ایم پی ایز اورایم این ایز ، سینیٹر اور رہنمائوں سے 38 اہلکار واپس لے لیے گئے۔ اہلکاروں کو کچے میں ڈاکوئوں کے خلاف جاری آپریشن کیلئے تعینات کیا جائے گا ۔ 

 سردار محمد بخش مہر سے  12 اہلکار، جام اکرام اللہ دھاریجو سے 6 اہلکار واپس لیئے گئے، جبکہ پی ٹی آئی کے سابق منحرف رکن سندھ اسمبلی شہریار خان شر سے  3 اہلکار واپس لیئے گئے۔ اس کے علاوہ رمیش لال سے  1 اہلکار ، پی ٹی آئی رہنما بابر لونڈ سے  2 اہلکار، خالد لونڈ  سے 3 اہلکار ، جام مہتاب حسین  ڈھر سے  2 اہلکار ، امتیاز حسین   شیخ سے  1 اہلکار  اور ممتاز چانگ سے 8 پولیس اہلکار واپس لے لئے گئے۔