ویب ڈیسک:ممتاز عالم دین مولانا طارق جمیل نے سابق وزیرِ اعظم اور پی ٹی آئی کے چیئرمین عمران خان سے زمان پارک لاہور میں ملاقات کی۔
سماجی رابطے کی ویب سائٹ ٹوئٹر پر مولانا طارق جمیل نے عمران خان سے ہونے والی ملاقات کی تصاویر شیئر کی ہیں۔مولانا طارق جمیل نے اپنے پیغام میں کہا ہے کہ آج عمران خان صاحب کی زمان پارک لاہور میں عیادت کی۔
آج عمران خان صاحب کی زمان پارک لاہور میں عیادت کی۔ pic.twitter.com/bSMNplZVlK
— Tariq Jamil (@TariqJamilOFCL) November 23, 2022
واضح رہے کہ 3 نومبر کو پی ٹی آئی لانگ مارچ کے دوران وزیر آباد میں عمران خان پر قاتلانہ حملہ کیا گیا تھا، جس میں پی ٹی آئی چیئرمین زخمی ہوئے تھے۔واقعے میں ایک شخص جاں بحق اور پی ٹی آئی چیئرمین و دیگر رہنماؤں سمیت 13 افراد زخمی ہوئے تھے۔
فائرنگ کرنے والے شخص کو بعد میں کنٹینر کے قریب سے پکڑ لیا گیا تھا جس نے عمران خان پر فائرنگ کا اعتراف بھی کیا۔