اداکار عثمان مختار کی بارات کی تصاویر سوشل میڈیا پر وائرل

UsmanMukhtar and his bride Zunaira at their wedding
Usman Mukhtar wedding

ویب ڈیسک : پاکستان شوبز انڈسٹری کے معروف اداکار عثمان مختار کی بارات کی تصاویر اور ویڈیوز سوشل میڈیا پر وائرل ہوگئیں۔

گزشتہ روز اداکار عثمان مختار کی بارات منعقد کی گئی تھی جس کی تصویریں اور ویڈیوز سوشل میڈیا صارفین کی توجہ کا مرکز بنی ہوئی ہیں۔عثمان مختار نے اپنی زندگی کے سب سے خاص موقع پر سیاہ رنگ کے پینٹ سوٹ کا انتخاب کیا جبکہ اُن کی اہلیہ نے گولڈن اور ہلکے گلابی رنگ کا غرارا زیب تن کیا۔

اداکار کی اہلیہ نے اپنے خوبصورت عروسی لباس کے ساتھ سنہری رنگ کی جیولری کا انتخاب کیا جس سے اُن کی خوبصورتی میں مزید چار چاند لگ گئے۔

عثمان مختار کی بارات کی تقریب میں کئی شوبز ستاروں نے شرکت کی جن میں حمزہ علی عباسی، نیمل خاور، عثمان خالد بٹ سمیت دیگر فنکار شامل ہیں۔

View this post on Instagram

A post shared by afiablogs (@afiablogs)

واضح رہے کہ21 اور  22 اکتوبر کی درمیانی شب ان کی مہندی کی تقریب کی ویڈیوز اور تصاویر متعدد شوبز شخصیات اور سوشل میڈیا پلیٹ فارمز سے شیئر کی جا رہی ہیں جن میں عثمان مختار اور ان کی دلہن زنیرہ انعام بھی رقص کرتے ہوئے نظر آئے۔ تاہم تاحال انہوں نے خود کوئی پوسٹ یا تصویر شیئر نہیں کی۔ 

یادرہےعثمان مختار نے اس سال کے آغاز میں زنیرہ کے ساتھ اپنے نکاح کا اعلان کیا تھا ، یہ جوڑا اب خاندان اور دوستوں کی موجودگی میں اپنی شادی کی تقریبات میں انجوائے کرتا دکھائی دے رہا ہے۔