چینی قونصلیٹ پر حملے کے بعد پنجاب بھر میں سکیورٹی ہائی الرٹ


(علی ساہی) آئی جی پنجاب امجد جاوید سلیمی نے کراچی میں چینی قونصلیٹ پر حملے کے بعد لاہور سمیت پنجاب بھر میں سکیورٹی ہائی الرٹ کر دی۔

آئی جی پنجاب نے ڈی آئی جی سپیشل پروٹیکشن یونٹ سلطان احمد چوہدری کو صوبے بھر میں مختلف پراجیکٹس پر کام کرنے والے چینی ماہرین کی سیکیورٹی بڑھانے کی خصوصی ہدایت کر دی۔

 انہو ں نے کہا کہ جن سائٹس پرچائنیز کام کر رہے ہیں وہاں پر سکیورٹی مزید بہتر بنائی جائے جبکہ انکی رہائشگاوں کےگردونواح میں سرچ آپریشنز کیے جائیں۔ ڈی آئی جی کو بطور فوکل پرسن چینی ماہرین کے ساتھ مستقل رابطے کی بھی ہدایت کی گئی ہے۔