(علی ساہی) سانحہ ارفع کریم ٹاور میں شہید ہونے والے پولیس افسروں کو تمغہ شجاعت دینے کا فیصلہ، سمری حتمی منظوری کیلئے وزیراعلیٰ پنجاب کو بھجوادی گئی۔
سانحہ ارفع کریم ٹاورمیں شہید ہونے والے پولیس افسران واہلکاروں کو تمغہ شجاعت کیلئے نامزد کرنے کی سمری آئی جی پنجاب نے منظور کر کے حتمی منظوری کیلئے وزیراعلیٰ کو بھجوادی ہے۔ سمری میں ایک سب انسپکٹر، ایک اے ایس آئی اور 6 کانسٹیبلز کے نام شامل ہیں۔
واضح رہے کہ 25 جولائی کو ارفع کریم ٹاور کے قریب خود کش دھماکہ ہوا تھا جس میں 9 پولیس اہلکاروں سمیت 26 افراد جاں بحق اور متعدد زخمی ہوئے تھے۔