ویب ڈیسک : سیاسی شخصیت کے بیٹے کی جانب سے '' نادرا'' اہلکار پر تشدد مہنگاپڑ گیا، پولیس نے مقدمہ درج کرکے کارروائی شروع کردی ۔
نادرا چیئرمین نے سوشل میڈیا پر واقعہ کی ویڈیو شیئر کر دی ۔ عوام کی انتھک خدمت میں مصروف نادرا سٹاف کے ساتھ بااثر افراد کی بدتمیزی قابل قبول نہیں۔ قانونی کارروائی کے لیے مقدمہ درج کر لیا گیا ہے۔
عوام کی انتھک خدمت میں مصروف نادرا سٹاف کے ساتھ بااثر افراد کی بدتمیزی قابل قبول نہیں۔ قانونی کاروائی کے تحت مقدمہ درج ہو گیا ہے۔ میں دیانتدار اور عوامی خدمت کے جز بے سے سرشار ملازمین کو نادرا کا اثاثہ سمجھتا ہوں اور ان کے ساتھ کھڑا ھوں۔ /۱@NadraPak pic.twitter.com/SU8QbrkVBf
— Tariq Malik ™ (@ReplyTariq) February 22, 2022
ذرائع کے مطابق نادرا اہلکار کو تھپڑ مارنے والا شخص ضلع نارووال کی تحصیل پسرور کی اہم شخصیت کا بیٹا ہے۔ جو اپنے ساتھیوں کے ہمراہ نادرا کے دفتر میں گھس گئے اور اہلکاروں کو تشدد کا نشانہ بنایا۔
نادرا اہلکار کا الزام ہے کہ مذکورہ ملزم نے انہیں 18 فروری کو فون کیا تھا اور ان سے حامیوں کے شناختی کارڈ بنانے میں مدد مانگی تھی۔ جس پر انہیں مطلع کیا گیا تھا کہ نادرا اہلکار کسی کو خصوصی پروٹوکول نہیں دے سکتے اور انکے لئے سب ان کے لیے برابر ہیں۔