سٹی42: معروف سابق کرکٹر شاہد خان آفریدی کا 15 سال سے بند پبلک لائبریری کو بحال کرنے کا اعلان، شاہد خان آفریدی نے ایک صارف کی ٹویٹ پر جوابی ٹویٹ کیا اور کہا کہ پبلک لائبریری کوشاہد آفریدی فاونڈیشن کی تعاون سے بحال کیا جائے گا۔
تفصیلات کے مطابق ضلع ٹانک کے ایک باشندے احسان ٹیپو محسود نے پبلک لائبریری کے حوالے سےٹویٹ کیا تھا کہ لائبریری گندگی کا ڈھیربن چکی ہے، پبلک لائبریری کو جلد بحال کرنے کی ضرورت ہے۔ جوابی ٹویٹ میں شاہد خان آفریدی نے ٹویٹ کیا کہ نوجوان ہمارا مستقبل ہے اور تعلیم مشعل راہ ہے، شاہد آفریدی فاونڈیشن کی تعاون سے لائبریری کو بحال کیا جائے گا۔
It’s heart wrenching to see the only library in District Tank, KP, closed for over 15 years now. Youth is our future & education is paramount to their development. I will ensure restoration of this library with help of my foundation @SAFoundationN #hopenotout #education #saf https://t.co/fbL7Z0Mnhh
— Shahid Afridi (@SAfridiOfficial) August 18, 2020
لائبریری کی بحالی کے لئے جلد شاہد آفریدی کی جانب سے قدم اٹھانے کا امکان ہے، تصاویر میں دیکھا جاسکتا ہے کہ لائبریری ایک کھنڈر کا منظر پیش کر رہی ہے، فرنیچر و دیگر انتظامات انتہائی خراب پڑے ہیں، لائبریری کا کوئی خاص حفاظتی اقدام بھی نظر نہیں آرہا۔
ہزاروں تعلیم یافتہ نوجوان دور جدید میں بھی لائبریری کی افادیت سے محروم ہو رہے ہیں، انتظامیہ 15 سال بعد عوامی اور میڈیا کے دباومیں آ کر صرف صفائی کا تھوڑا بہت کام کرچکی۔