(حافظ شہباز) فتح کےخواب آنکھوں میں سجائے شاہین انگلینڈکیخلاف سیریزاورورلڈکپ میں حصہ لینےکیلئے گوروں کے دیس روانہ ہوگئے، قومی کرکٹ ٹیم انگلینڈ میں 14جولائی تک قیام کرے گی۔
قومی کرکٹ ٹیم سرفراز احمد کی قیادت میں دورہ انگلینڈ اور ورلڈ کپ کیلئے نیشنل کرکٹ اکیڈمی سے روانہ ہوئی تو پی سی بی حکام نے ان کو دعاؤں کے ساتھ رخصت کیا، ذرائع کے مطابق انگلینڈ پہنچ کر قومی ٹیم کا دس روز ہ تربیتی کیمپ لگایا جائے گا جس کے بعد پاکستانی ٹیم انگلینڈ کیخلاف ایک ٹی 20 اور پانچ ایک روزہ میچوں کی سیریزکھیلے گی، ورلڈ کپ مقابلوں کا آغاز 30 مئی سے ہوگا جب کہ ہر ٹیم سیمی فائنل سے پہلے 9، 9 میچز کھیلے گی۔
Pakistan's @cricketworldcup-bound squad off to the UK. The spirit, the unity, the desire, one for all, all for one! #WeHaveWeWill pic.twitter.com/Qb4UqF5jOB
— Pakistan Cricket (@TheRealPCB) April 22, 2019
قومی کرکٹ ٹیم کے کوچ مکی آرتھر اور کپتان سرفراز احمد نے روانگی سے قبل میڈیا سے گفتگو کرتے ہوئے کہا کہ پوری تیاری کیساتھ ورلڈکپ کیلئے جارہے ہیں، میگا ایونٹ میں بہترین کارکردگی کا مظاہرہ کرکے قوم کو خوشیاں دیں گے۔
مکی آرتھر نے کہا کہ ورلڈ کپ میں جیتنے کی گارنٹی نہیں دے سکتے لیکن بہترین کھیل پیش کریں گے، ہماری ٹیم بہت اچھی ہے۔
واضح رہے کہ شاداب خان کی بیماری کی وجہ سے یاسر شاہ کو ٹیم میں شامل کیا گیا جبکہ محمد عامر اور آصف کیلئے بھی انگلینڈ کی سیریز نہایت اہم ہوگی۔