ویب ڈیسک:تحریک انصاف کے چیئرمین عمران خان نے لیڈر شپ کا اجلاس طلب کرلیا ، جس میں آزادی مارچ کے راولپنڈی مرحلے ودیگر امور پر مشاورت ہوگی۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ تحریک انصاف کی لیڈر شپ میٹنگ آج طلب کی جا رہی ہے، عمران خان کی صدارت میں اس ملاقات میں سیاسی صورتحال پر بات ہوگی.
ملاقات میں آزادی مارچ کے پنڈی مرحلے ودیگر امور پر بھی گفتگو ہوگی، ملک کا معاشی بحران اوراس سے پیدا صورتحال بھی زیر گفتگو ہو گی۔اجلاس میں شرکت کے لئے وائس چئیرمین تحریک انصاف شاہ محمود قریشی ، :پی ٹی آئی رہنما فرخ حبیب اور حسان خاور زمان پارک پہنچ گئے ہیں۔
تحریک انصاف کی لیڈرشپ میٹنگ آج طلب کی جا رہی ہے، عمران خان کی صدارت میں ہونے والی اس ملاقات میں سیاسی صورتحال، #حقیقی_آزادی_مارچ کے راولپنڈی مرحلے اور دیگر معاملات پر گفتگو ہو گی، ملک کا معاشی بحران اور اس سے پیدا ہونے والی صورتحال بھی زیر گفتگو ہو گی۔
— Ch Fawad Hussain (@fawadchaudhry) November 21, 2022
خیال رہے راولپنڈی میں 26 نومبر کے پی ٹی آئی کے تاریخی اجتماع کی تیاریوں کے معاملے پر عمران خان کی جانب سے مرکزی، صوبائی اور مقامی ذمہ داران کو مفصل ہدایات جاری کردی گئیں ہیں۔
عمران خان نے راولپنڈی میں سب سے بڑے عوامی مارچ کی تیاریوں کیلئے اہداف سونپ دیے اور اجتماع گاہ کے تعین سمیت جلسہ گاہ کی تیاریوں کے حوالے سے خصوصی ہدایات دیں۔
چیئرمین تحریک انصاف عمران خان نے کہا کہ حقیقی آزادی کی تحریک فیصلہ کن موڑ پر آن کھڑی ہے، سیاسی بیداری عروج پر ، قوم حقیقی آزادی اور حقوق کیلئے پوری طرح متحرک ہے۔