(سٹی 42) عیدمیلادالنبیﷺ پر قیدیوں کیلئے بڑی خوشخبری، پنجاب حکومت نے قیدیوں کی سزا میں 2 ماہ کی معافی کا اعلان کردیا۔
تفصیلات کے مطابق پنجاب حکومت نےعید میلادالنبیﷺ پر قیدیوں کی سزا میں 2 ماہ کی معافی کا اعلان کردیا، ایڈیشنل چیف سیکرٹری ہوم فضیل اصغر نے اس حوالے سے نوٹیفکیشن بھی جاری کردیا، نوٹیفکیشن میں کہا گیا ہے کہ ملک دشمن عناصر ، دہشت گردوں اور سنگین جرائم میں ملوث ملزمان کو رعایت نہیں ہوگی۔
آج لاہور سمیت ملک بھر میں جشن عید میلاد النبی ﷺ نہایت عقیدت واحترام سے منا یا جارہا ہے، ۔ شہر کو دلہن کی طرح سجا دیا گیا۔ سرکاری و نجی عمارتوں پر چراغاں، مساجد میں درود و سلام کی محافل کا انعقاد کیا جارہا ہے۔صوبائی دارالحکومت میں دن کا آغاز اکیس توپوں کی سلامی سے ہوا۔ نماز فجر کے بعد مساجد میں ملکی سلامتی و ترقی کیلئے خصوصی دعائیں مانگی گئیں۔