ویب ڈیسک: پاکستان انڈسٹری کے معروف شوبز فنکاروں شان شاہد اور نجم شیراز نے ملک سے محبت اور یکجہتی پر خصوصی پیغام پیش کیا۔
اداکار شان شاہد نے اپنے انسٹاگرام اکاؤنٹ پر ویڈیو پیغام شئیر کرتے ہوئے کہا کہ میرا دل پاکستان ہے، میری جان پاکستان ہے، میری شناخت کا مان پاکستان ہے، ہماری شناخت قائم ہے ہمارے اتحاد پر اگر ہم اپنا اتحاد کھو دیں گے تو اپنی شناخت کھو دیں گے، یہ وقت ہے کہ ہمیں پاکستان کے جھنڈے تلے ایک ہونا ہے۔
View this post on Instagram
انہوں نے مزید کہا کہ پاکستان کا ذرہ ذرہ ، اینٹ، جنگل، دریا ، درخت سب ہمارا اپنا ہے، جب بھی ہم اسے کوئی نقصان پہنچاتے ہیں تو دل خون کے آنسو روتا ہے، ہمیں پاکستان کو جوڑنا ہے توڑنا نہیں۔
دوسری جانب گلوکار نجم شیراز نے ٹویٹر پر ویڈیو پیغام دیا اور ساتھ ہی کیپشن میں لکھا کہ عوام اور ادارے سب ہمارے اپنے ہیں، فاصلے اور نفرتوں سے نہیں بلکہ پیار اور محبت سے آگے بڑھنا ہے۔
عوام, ادارے سب ہمارے اپنے ہیں
— najam sheraz (@najamsheraz) May 20, 2023
فاصلے نفرتیں خون ریزی سے نہیں
پیار محبّت سے آگے بڑھنا ہے
کندھے سے کندھا ملائیں اور دشمن کو ناکام بنائیں جس کی نظر پہلے دن سے ہماری سرحدوں پر ہے ہمارے نظریے پر ہے
آگ کو بجھائیں لگائیں نہیں
دلوں کو جوڑنا ہے توڑنا نہیں
اب اپنوں کو گنوانا نہیں-… pic.twitter.com/zMUsTwtnia
انہوں نے مزید کہا کہ اس وقت ہم سب پاکستانیوں کے دل دُکھی ہیں کہ یہ ہم کہاں آ کھڑے ہیں؟ کوئی محب وطن نہیں چاہتا کہ ملک میں نفرتیں ہوں، بھائی بھائی سے لڑے اور خون بہے، ہم نے دلوں کو توڑنا نہیں جوڑنا ہے۔