ویب ڈیسک: پاکستان کے خلاف تیسرے اور آخری ٹیسٹ میچ کے پہلے روز آسٹریلیا نے پہلی اننگز میں 5 وکٹوں کے نقصان پر 232 رنز بنا لئے۔عثمان خواجہ 91، آسٹیو اسمتھ 59 ،ٹریوس ہیڈ 26 رنز بناکر نمایاں رہے۔پاکستان کے شاہین شاہ آفریدی اور نسیم شاہ نے 2-2 جبکہ ساجد خان نے ایک کھلاڑی کو آؤٹ کیا۔
Stumps! A good Day 1 for ???????? #BoysReadyHain l #PAKvAUS pic.twitter.com/p6GF3AuryK
— Pakistan Cricket (@TheRealPCB) March 21, 2022
تفصیلات کے مطابق لاہور کے قذافی اسٹیڈیم میں کھیلے جا رہے میچ میں آسٹریلوی کپتان پیٹ کمنز نے ٹاس جیت کر پہلے بیٹنگ کرنے کا فیصلہ کیا۔ ڈیوڈ وارنر اور عثمان خواجہ نے آسٹریلیا کی جانب سےاننگز کا آغاز کیا ۔شاہین شاہ آفریدی نے تیسرے اوور میں پہلے ڈیوڈ وارنر کو ایل بی ڈبلیو اور پھر مارنس لبوشین کو وکٹوں کے پیچھے کیچ آؤٹ کرا دیا۔
SHAHEEN GETS WARNER! ☝???? #BoysReadyHain l #PAKvAUS pic.twitter.com/FcFAAFOFnS
— Pakistan Cricket (@TheRealPCB) March 21, 2022
2وکٹیں جلد گرنے کے بعد عثمان خواجہ اور اسٹیو اسمتھ نے ذمہ دارانہ انداز میں بیٹنگ کی اور ٹیم کا اسکور آگے بڑھایا ۔ دونوں بلے بازوں کی جانب سے اپنی نصف سنچریاں مکمل کی گئیں تاہم 146 کے مجموعے پر اسمتھ نسیم شاہ کی گیند پر ایل بی ڈبلیو ہو گئے۔جبکہ عثمان خواجہ 91 اور ٹریوس ہیڈ 26 رنز بناکر آؤٹ ہوئے۔
Amazing stuff from @iNaseemShah! #BoysReadyHain l #PAKvAUS pic.twitter.com/Cy5J7r0jMu
— Pakistan Cricket (@TheRealPCB) March 21, 2022
پاکستان کی جانب سے شاہین شاہ آفریدی، نسیم شاہ نے دو دو جبکہ نعمان علی نے ایک وکٹ حاصل کی۔
پہلے دن کا کھیل ختم ہوا تو کیمرون گرین 20 اور ایلکس کارے 8 رنز بناکر ناٹ آؤٹ تھے۔
واضح رہے کہ قومی ٹیم میں ایک تبدیلی کی گئی ہے اور فہیم اشرف کی جگہ نسیم شاہ کو شامل کیا گیا ہے۔خیال رہے کہ پاکستان اور آسٹریلیا کے درمیان راولپنڈی اور کراچی میں کھیلے جانے والے دونوں ٹیسٹ میچز بغیر کسی نتیجے کے ختم ہو گئے تھے۔
Pat Cummins has won the toss for Australia and they bat first. Here is the Pakistan lineup for the third test. #BoysReadyHain l #PAKvAUS pic.twitter.com/wfoprr6L1A
— Pakistan Cricket (@TheRealPCB) March 21, 2022