(مانیٹرنگ ڈیسک) پاکستان سپر لیگ( پی ایس ایل) کی ٹیم لاہور قلندرز کے آل راؤنڈر لیام ڈاؤسن انجری کا شکار ہوکر ٹورنامنٹ سے باہر ہوگئے۔
لاہور قلندرز کی انتظامیہ کے مطابق انگلش آل راؤنڈر کراچی کنگز کے خلاف میچ میں ٹخنے کی انجری کا شکار ہوئے تھے، اسکین کے بعد لیام ڈاؤسن کو 4 سے 6 ہفتے آرام تجویز کیا گیا ہے۔
????Liam Dawson ruled out from #HBLPSL8 due to an ankle injury. We wish him a speedy recovery.#QalandarsCity #QalandarHum pic.twitter.com/GP1VBvPkVx
— Lahore Qalandars (@lahoreqalandars) February 20, 2023
لاہور قلندرز کی انتظامیہ کا کہنا ہے کہ لیام ڈاؤسن آج وطن واپس روانہ ہوجائیں گے، ان کی جگہ متبادل کھلاڑی کے لیے ابھی کوئی فیصلہ نہیں کیا گیا۔
نیشنل اسٹیڈیم کراچی میں آج لاہور قلندرز اور کوئٹہ گلیڈی ایٹرز کی ٹیمیں مقابل ہوں گی،شاہین آفریدی الیون نے پہلے میچ میں دفاعی چیمپئن ملتان کو شکست دی تھی مگر دوسرے میں روایتی حریف کراچی کنگز نے 67رنز کے بڑے مارجن سے زیر کرلیا۔
فخرزمان اور مرزا طاہر بیگ بہتر فارم میں ہیں، البتہ مڈل آرڈر میں بیشتر بیٹرز کی کارکردگی میں تسلسل کا فقدان نظر آرہا ہے،شائی ہوپ تیسرے نمبر پر پرفارم نہیں کرپارہے۔