ویب ڈیسک : پاکستان کے معروف عالم دین مولانا طارق جمیل نے دیگر علما کے وفد کے ہمراہ سعودی سفیر نواف بن سعید المالکی سے ملاقات کی ہے۔
سماجی روابط کی ویب سائٹ ٹوئٹر پر مولانا طارق جمیل اکاؤنٹ سے کی جانے والی ٹوئٹ میں بتایا گیا کہ سعودی سفیر کو دعوت و تبلیغ کی محنت، دینی خدمات اور اس کے عالمی ثمرات کے بارے میں آگاہ کیا گیا۔۔ وفد میں مفتی عبد الرحیم، مولانا طاہر اشرفی شامل تھے۔
آج علماء کے وفد کے ہمراہ سعودی سفیر نواف بن سعید المالکی سے ملاقات کی اور جس میں دعوت و تبلیغ کی محنت، دینی خدمات اور اس کے عالمی ثمرات کے بارے میں آگاہ کیا۔ وفد میں مفتی عبد الرحیم، مولانا طاہر اشرفی شامل تھے۔#tariqjamil pic.twitter.com/DU4XcJfV10
— Tariq Jamil (@TariqJamilOFCL) December 20, 2021
یاد رہے کہ سعودی عرب کی وزارتِ اسلامی امور نے 6 دسمبر کو ٹوئٹر پر کسی تنظیم کا نام لیے بغیر تبلیغ کو ’دہشت گردی کے دروازوں میں سے ایک‘ قرار دیتے ہوئے اس تنظیم کی سرگرمیوں پر پابندی عائد کرنے کا اشارہ دیا تھا۔اس حوالے سے اسلامی امور کے وزیر ڈاکٹر عبداللطیف شیخ نے اپنی ٹوئٹ کے ذریعے بتایا تھا کہ مساجد کے امام اور خطیب جمعے کے خطبوں میں تبلیغی جماعت اور اس کی سرگرمیوں کے حوالے سے لوگوں کو متنبہ کریں۔