مانیٹرنگ ڈیسک: سکھوں کے لیے علیحدہ وطن کا مطالبہ کرنے والی خالصتان تحریک کے سرگرم رہنما ہردیپ سنگھ نیجر کو کینیڈا میں قتل کر دیا گیا۔
غیر ملکی میڈیا کے مطابق ہردیپ سنگھ نیجر کی لاش گورو نانک سکھ گوردوارہ ٹیمپل کی پارکنگ سے ملی، انہیں گولی مار کر قتل کیا گیا، سکھ تنظیموں نے بھی ہردیپ سنگھ نیجر کے قتل کی تصدیق کر دی ہے۔ہردیپ سنگھ نیجر گورو نانک سکھ گوردوارہ ٹیمپل کے سربراہ تھے اور مقتول سکھ رہنما بھارت کو مطلوب تھے۔
It is with great sorrow that we report the tragic incident where Bhai Hardeep Singh Nijjar, the Director of SFJ in Canada & President of Guru Nanak Sikh Gurdwara, was fatally shot in the parking lot of the gurdwara at 8:27 p.m. Witnesses reported that two gunmen fled after… pic.twitter.com/bpBivrlB0V
— Sarbraj Singh Kahlon (@sarbrajskahlon) June 19, 2023
خیال رہے کہ چند روز قبل برطانیہ میں بھی متحرک سکھ رہنما اوتار سنگھ کو مبینہ طور پر زہر دیکر ہلاک کرنے کی خبر سامنے آئی تھی۔
میڈیا رپورٹس کے مطابق برطانیہ میں سکھ کمیونٹی کے افراد نے الزام عائد کیا تھا کہ اوتار سنگھ کو زہر دیا گیا جس سے آہستہ آہستہ ان کی موت واقع ہو گئی۔
اوتار سنگھ کو بھارتی ہائی کمیشن سے بھارتی پرچم اتارنے کے الزام پر لندن میں گرفتار بھی کیا گیا تھا، اوتار سنگھ بھارتی پنجاب کے خالصتانی سکھ رہنما امرت پال سنگھ کا قریبی ساتھی تھا، امرت پال بھی بھارتی پولیس کی حراست میں ہے۔