ویب ڈیسک: کراچی کے تھانہ سعودآباد پولیس نے 24 گھنٹوں میں دوسری بڑی کارروائی کرتے ہوئے اسمگل شدہ 10 لاکھ روپے مالیت کا مضر صحت گٹکا تمباکو برآمد کرلیا۔ 

تفصیلات کے مطابق کارروائی کے دوران بھاری مقدار میں A2Z تمباکو، رتن، 121 تمباکو وغیرہ برآمد کرتے ہوئے ملزم کو گرفتار کرلیا۔ گرفتار ملزم اسمگل شدہ گٹکے ماوے کا بڑا ڈیلر ہے جو عرصہ سے گٹکا فروشی میں ملوث رہا ہے، گرفتار ملزم کی شناخت عارف بیگ ولد عبدالطیف کے نام سے ہوئی۔ 

پولیس نے گرفتار ملزم کے خلاف مقدمہ درج کرکے تفتیش کا آغاز کردیا۔