خانہ کعبہ کا غلاف تبدیل کردیا گیا

ویب ڈیسک: خانہ کعبہ کے غلاف کو انتہائی عقیدت و احترام کے ساتھ تبدیل کر دیا گیا۔ 

سیاہ رنگ اور قرآنی آیات سے سجے ہوئے غلاف کو ہر سال 9 ذی الحج کو تبدیل کیا جاتا ہے،مسجد الحرام میں غلاف کعبہ کی روح پرور تقریب ہوئی،   غلاف کعبہ کسوہ کو تبدیل کردیا گیا۔غلاف کعبہ کی تبدیلی کی روح پرور تقریب منعقد کی گئی۔ درجنوں ماہرین نے غلاف کعبہ کی تبدیلی میں شرکت کی۔

نئے غلاف کعبہ کے مجموعی 16ٹکڑوں کو آپس میں جوڑا گیا ۔ غلاف کے نچلے حصے میں چھ ٹکڑے اور 12 قندیلیں شامل ہیں۔670 کلوگرام خام ریشم سے بنے غلاف پر 120 کلوگرام سنہری اور سو کلو گرام چاندی کے دھاگے سے آیات قرآنی اور مقدس کلمات منقش کیے گئے ہیں۔

کورونا کے باعث مسلسل دوسرے برس محدود تعداد میں مسلمان حج کی سعادت حاصل کر رہے ہیں۔ رواں برس سعودی شہریوں اور سعودی عرب میں مقیم غیرملکیوں سمیت محض 60 ہزار افراد مقدس فریضہ ادا کررہے ہیں۔