سٹی 42: شوبز انڈسٹری سے کنارہ کشی اختیار کرنے والی رابی پیرزادہ  نے کہا ہے مجھے خوشی ہے کہ میں نے جعلی دنیا چھوڑی اور حقیقی دنیا میں داخل ہوگئی۔

 رابی پیر زادہ کہتی ہیں کہ  وہ شوبز کی جعلی دنیا کو خیرباد کہہ کر بہت خوشی محسوس کرتی ہیں۔ شوبز انڈسٹری کو خیر باد کہہ کر اپنی زندگی اسلامی تعلیمات کے مطابق بسر کرنے والی رابی پیرزادہ نے مائیکرو بلاگنگ سائٹ ٹوئٹر پر وہ محبت بھرے پیغامات شیئر کیے ہیں جو انہیں ان کے چاہنے والوں کی جانب سے بھیجے گئے۔

This love is priceless, no one being in showbiz can have this respect and honour, i am happy i left the fake world and entered the real one. Prayers pic.twitter.com/8YLMr68YVq

— Rabi Pirzada (@Rabipirzada) January 18, 2021

 
رابی پیرزادہ نے ان پیغامات کی تصاویر شیئر کرتے ہوئے لکھا کہ یہ محبت انمول ہے۔ سابقہ گلوکارہ نے کہا کہ جو عزت، احترام مقام مجھے اب ملا ہے وہ شوبز میں کسی کو بھی حاصل نہیں ہوسکتا۔ مجھے خوشی ہے کہ میں نے جعلی دنیا چھوڑی اور حقیقی دنیا میں داخل ہوگئی۔ واضح رہے کہ رابی پیرزادہ نے شوبز چھوڑنے کے بعد مصوری کو اپنا ذریعہ معاش بنالیا ہے، اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیں۔